Switch to Dual Emblem Display

Link to an image of this page  Link to an image of this page  [L6v]

Calumnie.

A tort & par faictz indecentz
Devant les juges d’ignorance
Calumnie porte nuysance
Contre les justes innocentz.

Link to an image of this page  Link to an image of this page  [L7r]

APelles painctre excellent en ouvrage,
Pour se venger d’aulcun vilain oultrage
Qui luy fut faict d’ung calumniateur
Fut d’ung tableau ingenieux facteur,
Premierement il painct comme rassis
Ung juge estant au tribunal assis,
Ayant au chief d’ung Asne les aureilles
A celles la du roy Mydas pareilles,
Deux conseillers il mit à ses costez,
Ausquelz tous bons jugementz sont ostez,
L’ung Ignorance & l’aultre Souppecon,
Ayans de femme & l’habit & facon.
Devant ce juge ainsi accompaigné
Vient Calumnie au vis tant rechigné,
En la main dextre ayant la torche ardente,
Pour demonstrer sa fureur fouldroyante,
Et qu’elle estoit par envie enflammée
Contre l’honneur, le bien, la renommée
D’ung pauvre humain qu’a force elle tenoit
Par les cheveulx, & ainsy le traynoit
Taschant oster à cest homme la vie.
Et devant elle estoit debout Envie,
Qui procuroit du juge la sentence,
Mais derriere eulx cheminoit Repentence,
Et la suyvoit de bien loing Verité
Qui accusoit telle severité.

Notes:

1.  For the description of the painting by Apelles, see Lucian, De calumnia, 5; and Guy de Tervarent, Attributs et symboles dans l’art profane, 1450-1600, 2 vols. (Geneva, 1958-64, re-edition, 1997), col. 226. For Midas, see also emblem 68 ([FCGa068]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top