Switch to Dual Emblem Display

Link to an image of this page  Link to an image of this page  [L7v]

Nature foeminine.

Je suis de la complexion
Des petis oyseaulx que je garde,
Je suis d’aussy maulvaise garde
Qu’ilz sont en leur condition.

Link to an image of this page  Link to an image of this page  [L8r]

UNe femme quoy qu’elle face
En reigle ne veult estre mise,
Elle desire estre en espace
Sans estre à personne submise
Soit en la rue ou en l’eglise
Elle est aussy sotte & volaige
Querant liberté & franchise
Que le petit oyseau ramaige.

★ Les femmes sans toutes blasmer,
Sont à garder assez fascheuses
Quand sont subjectes à aymer,
Et trenchent trop des precieuses,
Je le dy pour les vicieuses,
Les bonnes je ne veulx taxer
Qui sont de l’honneur curieuses
Au faict, au dict & au penser.

★ Les tendres & jeunes pucelles,
Ce sont petis oyseaulx volans,
Car ilz ont une couple d’aelles
Qui les portent es premiers ans
En deduyctz & esbatz plaisans,
L’une est la chair aymant liesse
Qui vole en la ville & aux champs,
Et l’aultre c’est sotte jeunesse.

Notes:

1.  The sense of this emblem depends on the relationship between the literal and the figurative sense of the word ‘volage’. See emblem 77 ([FCGa077]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top