Switch to Dual Emblem Display

Link to an image of this page  Link to an image of this page  [M7v]

Fortune mendiante.

Ne comptez plus fortune entre les dieux
Car elle n’a sur les humains puissance.
Ne luy donnez aulcune obeyssance,
Tant en la mer en la terre qu’aux cieulx.

Link to an image of this page  Link to an image of this page  [M8r]

QUel est ton mal qui ainsi t’importune
Et fache tant variable fortune?
Respondz à moy je te pry que me dies
L’occasion & pourquoy tu mendies?
Quelle langueur as tu au bras si forte
Que tu le tiens en si estrange sorte
Comme en escharpe & pendant devant toy?
Ce n’est pas tout, aussi declaire moy
Pourquoy ta roue a perdu la moytié
De sa rondeur? dy le par amytié.
O bon lecteur mon bruict n’a plus de cours
Et mes honneurs sont tournez à rebours,
J’estois jadis assise dans ung throsne,
Mais maintenant je demande l’aumosne
A chascun huys, car la prudence humaine
A tel meschief & pauvreté me meine,
Et celle main dont je donnois les biens
Les maulx aussy, las je n’en fais plus riens.
Les sages gens me l’ont mise en tel poinct
Qu’ilz l’ont rompue & ne m’en ayde poinct.
Finablement ilz ont rompu ma roue
Dont faisoys cheoir les plus grandz en la boue,
Et m’ont osté la puissance & le nom
Dont j’euz jadis tant celebre renom,
Et toutesfoys si pauvre que je suis
Les inconstans m’ouvrent tousjours leurs huys.

Notes:

1.  See emblem 40 ([FCGa040]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top