Switch to Dual Emblem Display

Link to an image of this page  Link to an image of this page  [M8v]

La deception de volupté.

Volupté qui s’est deguisée
Le beau nom d’amour usurpant
Sur chascun s’est auctorisée
En meurtrissant & en frappant.

Link to an image of this page  Link to an image of this page  [N1r]

AMour estoit jadis ung jeune enfant
Honneste & bon des vices triumphant
Qui dominoit par pureté de cueur
Sur les humains dont il estoit vaincueur,
Celluy Amour logeoit es cueurs des sages,
Celluy amour faisoit les mariages,
Celluy amour gouvernoit les citez
Sans guerre aulcune & partialitez,
Celluy Amour faisoit aymer les hommes
Pour leurs vertus, non pour les grandes sommes
D’or ne d’argent, ne pour aulcun delict,
Car il fuyoit tout ce qu’on faict au lict
Hors mariage & son honnesteté.
Or il advint ung jour que volupté
Le trouva seul, contre luy elle sault
Et luy livra ung trescruel assault
Dont fut vaincu, lors occupa son lieu
Et comme luy se feit appeller dieu
De vray Amour, print son arc & ses traictz
Desquels elle a les cueurs humains distraictz
De l’amytié, soubz ceste couverture
A transmué des choses la nature,
Car elle a faict acroire à tout chascun
Qu’elle est Amour, mais s’il y a quelqu’ung
Qui y ait creu je l’advise vrayement
Qu’il a esté deceu bien follement.

Notes:

1.  See emblems 10, 69, 90 and especially 56 ([FCGa010], [FCGa069], [FCGa090], [FCGa056]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top