Switch to Dual Emblem Display

Link to an image of this page  Link to an image of this page  [N1v]

Amour accompagnée de Vertu.

Quand ces ymages sont ensemble
Par effect & non en paincture,
Tout s’en porte mieulx se [=ce] me semble
Selon la reigle de droicture.

Link to an image of this page  Link to an image of this page  [N2r]

VOicy Amour lequel bandé n’est poinct
Et de ses traictz ne navre ny ne poingt
Le cueur d’aultruy.
Voicy Amour parent de Chasteté
Beaulté, bonté, doulceur, honnesteté
Sont avecq luy.
Voila Vertu Royne des bien heureulx
Qui est aupres du roy des amoureulx
Comme compaigne.
L’ung s’esjouit a se faire entraymer,
A hayr vice & tout peché blasmer
L’aultre se baigne.
Ceste Vertu tient ung cueur en sa main
Ou loge Amour tant courtoys & humain
C’est son hostel,
Et puis celluy lequel elle environne
Du verd chappeau & laurée couronne
Est immortel.
Si vous voyez Amour doresnavant
Estre tout seul comme on void bien souvent
Sans ceste dame
Il ne vault riens & ne faict poinct de fruict,
Par tel amour chascun homme est destruict
De corps & dame [=d’ame] .

Notes:

1.  See the previous emblem.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top