Switch to Dual Emblem Display

Link to an image of this page  Link to an image of this page  [N3v]

L’heure de la mort incertaine.

Sur le Cadran qui n’est signé
Tourne l’esguille sans demeure,
Pour mourir n’est jour assigné
De mort est incertaine l’heure.

Link to an image of this page  Link to an image of this page  [N4r]

LA mort des bons est doulce & amoureuse
Et des malings terrible & douloureuse.
L’une d’icelles
Conduict les siens es joyes supernelles,
Et la seconde aux peines eternelles,
Et toutes deux
Rendent le corps triste, pale, hydeux
Qui l’homme faict tant craintif & doubteux,
Il ne scait pas
L’heure & le jour de son mortel trespas
Que de son corps les vers feront repas.
Mort est certaine,
Mais de mourir l’heure en est incertaine
En region ou prochaine ou loingtaine,
Parquoy convient
Estre tout prest quand le maistre revient
Du grand bancquet, de nous il luy souvient,
Vous ne scavez
(Dict il) le jour que mourir vous debvez,
Soiez soigneux, du dormir vous levez,
Car vous serez
Surprins alors que pas n’y penserez
Et de la mort le dur pas passerez,
Prenez y garde
Et le seigneur qui tout void & regarde
Vous recepvra seurement en sa garde.

Notes:

1.  See Matthew 24 and 25; Luke 12.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top