Switch to Dual Emblem Display

Link to an image of this page  Link to an image of this page  [O2v]

Gloire mondaine tost abatue.

Une vessie de pois pleine
Ressemble à la gloire mondaine
Qui passe aussy legerement
Que l’aultre faict soubdainement.

Link to an image of this page  Link to an image of this page  [O3r]

Excellentz sont les biens d’entendement
Comme scavoir jugement & memoire
Les biens de l’ame aussi semblablement
Sont a louer par merveilleuse gloire.

★ Ce sont Vertus, Prudence, Congnoissance
Justice, Amour, Religion, Pitié,
Sobrieté, Temperance, Constance
Force desprit, bonne grace, Amytié.

★ Tous ces grandz biens en despit de fortune
Augmenteront en celluy qui les a
Pour mal qu’il ait ne pour quelque infortune
Pour perte ou gaing jamais ne les perdra.
★ Les biens du corps ce sont faulses richesses

Or & argent, terres, possessions
Charnalitez, Voluptez & lyesses
Jeux & banquetz & delectations.

★ Gloire mondaine est en ces biens icy,
Querant honneur de lourd & grave pois
Parlant bien hault, je le compare aussy
A la vessie estant pleine de pois.

★ Car aussi tost qu’une espingle la perse,
Son bruyct sen [=s’en] va, desenflé devient,
Aussy s’il vient quelque fortune adverse,
Gloire mondaine appetisser convient.

Notes:

1.  The bladder filled with peas is a traditional children’s game.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top