Switch to Dual Emblem Display

Link to an image of this page  Link to an image of this page  [O3v]

A qui fortune en donnera

Tout ce qu’ont dict les anciens
De fortune & sa liberte
Qui donne des maulx & des biens
Tout est icy representé.

Link to an image of this page  Link to an image of this page  [O4r]

ON ne scauroit de fortune mieulx faindre
Le grand povoir ne son ymage paindre
Qu’en descrivant le hazart plein de ris,
Dernierement joué dedans Paris
Nommé la blancque, auquel jeu plusieurs hommes
Y ont gaigné d’or & d’argent grand sommes
Pour petit pris qu’ilz avoient au jeu mis
Et sans faveur d’amys ou ennemys.
Aultres y ont du leur mys grand partie,
Et dessus eulx toute perte est sortie
N’en rapportant que courroux seulement,
Ce jeu se faict à tous eguallement,
Car d’ung costé sont les noms & devises
De ceulx qui font d’argent les grosses mises,
De l’aultre part sont les escripteaulx blancz
Qui aux premiers sont du tout ressemblans
Parmy lesquelz sont mis les benefices
Aux rencontrans gracieux & propices,
Ce sont joyaulx, bagues, chaynes, doreures,
Carquantz, Anneaulx, Coupes, Tasses, Sceinctures
Et aultres biens dont les poix & les pris
Sont dens aulcuns de ces billetz escriptz.
Ung aveugle est entre les deux vaisseaulx
A ses deux mains tirant les escripteaulx
Des deux costez, desquelz il faict la monstre
Link to an image of this page  Link to an image of this page  [O4v] Dont il advient que s’il y a rencontre
De la devise & benefices aussi,
C’est à celluy dont la devise ainsi
Est rencontrée, & des aultres le reste
Se treuve blanc sans que riens s’y aqueste.
Je ne scaurois pour fortune prouver
En ces hasardz, jeu plus decent trouver,
Pource que mainctz par luy se treuvent riches
Les aultres nudz & demourez en frisches.

Notes:

1.  See emblem 40 ([FCGa040]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top