Switch to Dual Emblem Display

Link to an image of this page  Link to an image of this page  [F1r p81]

Sur le symbole de Pytagoras.

Ne communiquer avec meschants.

Qui en vaisseau infame & mal honéte
Met la viande, & l’assied dessus table,
Ce banquet sale à autres gents apréte,
Car il n’est point à mon gout convenable.
Qui est taxé de crime detestable,
Et n’entend point de faire amendement:
Tel soit tenu ce pendent incapable
D’avoir des bons l’usage & parlement.

Link to an image of this page  Link to an image of this page  [F1v p82]

Narration Philosophique.

LE bruit est que Pytagoras philo-
sophe grave par expres mande-
ment defendit aux siens, de ne man-
ger en vaiseau mal honneste: & qu’ilz
ne souillassent les viandes que nature par
sa grande benignité leur donnoit par va-
ses infames. Et par telle maniere de dire
cét homme sage tachoit à revoquer ceux
qui étoient amateurs de sa doctrine, de la
compaignie des mechans. Car tout ainsi
qu’un pere de famille seroit chose mal con
venable, s’il d’estinoit [=destinoit] au service de la ta
ble les vaisseaus desquelz l’aspect pour-
roit mener les gens en villaine & infa-
me cogitation: aussi celuy semble étre en
vieux de sa bonne nature, qui admet en
sa compagnie gens qui ne valent riens.
Et qui est la chose plus ennemie aux bon
nes meurs, que d’user de la familiarité de
ceux desquelz non seulement des dis, mais
aussi les fais s’efforcent de renverser les
actions louables de vertu, & conduire
la façon de l’honneur par une fause imi-
tation de bien à voluptés infames. Or
Link to an image of this page  Link to an image of this page  [F2r p83]est il, que nature nous a fais de telle sorte, que par ses
moyens si nous ne nous retirons d’elle, on peut par-
venir à la bonne & eureuse vie. Mais souvent il a-
vient que ces belle semences de vertu sont tant suf-
foquées par le devis des meschans, que plus la lumie-
re de nature ne peut apparoitre. Qui est cause que
Plato par expres enjoint aus magistras de mettre
hors des villes les méchans, & de ne retenir en leur
cité ceux au milieu desquelz la republique ne peut
jouir de son repos. Car que font tant ces inventeurs
de voluptés, auquelz toutefois Zerces faisoit des
presens? Et que servent en une ville bien gouvernée
ces forgeurs de tributs nouveaux, ausquelz neant-
moins Dionysius le Tyrant deferoit beaucoup? Car
que font ilz autre chose, que de troubler par leurs in
ventions le repos public, effacer la puissance & avoir
des grans, & mettre en danger de corps & de biens
les petis? Laquelle maniere de gens & de notre tems
& aussi de la memoire de noz peres, a gaté plusieurs
republiques. Dignes comme je croy qu’on leur don
ne une statue en plain marché, & une place au par-
lement, voire le vivre en un Prytanée, à fin que de
la republique, pour laquelle ilz ont tant travaillé,
reçoivent au veu de tout le monde digne & honéte
recompense.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top