Switch to Dual Emblem Display

Link to an image of this page  Link to an image of this page  [G2v p100]

Sur la regle de Lesbos.

La sagesse des Juges.

De Lesbos fut céte reigle aportée,
Mieux à tous points que les notres duisante
Car si elle est à louvrage [=l’ouvrage] acosté
Soit lon ou court, elle est obeissante.
Quand par raison la loy est surmontée:
Pour ne tumber en contrarieté,
Le bon praeteur par sentence arretée
Compensera le droit et l’equité.

Link to an image of this page  Link to an image of this page  [G3r p101]

Narration Philosophique.

LA reigle de Lesbos est à bon droit
à toutes autres preferée, parce qu’é-
tant maniable & tendre se laisse al-
ler la ou on la meine, & s’accommode fort
bien à l’ouvrage ou elle est emploiée.
Mais les autres de tant ne sont estimées:
car étans trop courtes, ne se peuvent alon
ger à la grandeur de la chose, & si elles
sont trop longues on ne les peut accourcir.
Ce que les gens doctes ont voulu trans-
ferer aux juges: à fin qu’en vuidant les
causes & controverses des hommes, ilz
s’approchassent plus de céte reigle que
des autres: & qu’en toutes causes ilz ne
suyvissent un méme train: mais selon la
varieté des causes & personnes ilz don-
nassent leur sentence. Car si tel étoit, l’é-
tat des causes & proces, qu’elles peus-
sent bonnement étre comprises sous un chef
il seroit fort facile à celuy qui suivroit cé-
te generalité de ne faillir point. Mais par
ce que nous versons aujourdhuy en telle
mer de fais & proces, qu’en si grande va-
rieté ne se trouve chose semblable à l’au-
Link to an image of this page  Link to an image of this page  [G3v p102]tre il est raisonnable que ceux qui tien-
nent place de juges, accommodent leurs
espris à la varieté des fais. Car tousjours
la diversité des fais à éte regente de la re-
ligion des Juges: & celuy qui juge le
mieux: suyvra tousjours diversité d’opi-
nions. Et ne fut jamais loué le juge qui est
tousjours constant en méme sentence. Mais
tout ainsi que cela est de l’art de medeci-
ne de servir à la difference des corps, en-
cores que la maladie ne reçoive telle me-
decine: aussi souvent la circonstance du
tems & de la personne requiert que nous
sortions des reigles du droit, & suivions
ce que hors telles circonstances auroit
quelque iniquité. Et pour ce s’il y a quel
qu’un des notres se fiant tant en son in-
dustrie & étude qu’il puisse partir céte
masse de droit, infinie en traités & fais
premierement en genres, puis en parties
& especes, j’ay peur ou qu’il ne puisse fai
re ce que tant nous presche aux oreilles,
ou qu’il semble en fin avoir plus servi à
l’huille & jeu qu’a la clairté des vrais
sieges. Car qui est celuy qui encores qu’il
sache fort bien tout ce qui est contenu es
Link to an image of this page  Link to an image of this page  [G4r p103]livres des Jurisconsultes, ne trouve neant-
moins aucunefois quelque chose, de la-
quelle il n’est parlé dans les loix. Par qui
les choses qui appartiennent ou à la ma-
jesté d’un empire, ou à la provision des
personnes privées, furent jamais tant leües,
ouyes, & disputées, qui toutefois par ne-
cessité ne puisse tumber en quelque cas
que ne fut onc touché par nos ancétres?
Quel ayde donc sera veu apporter à la
cognoissance du droit, celuy qui aura re-
digé en chefs generaux ce, duquel la scien-
ce consiste plus en la cognoissance des
particuliers que la distribution des espe-
ces. Et s’il y a aucun qui ou par industrie
ou par labeur semble avoir fait cela, tou-
tefois en fin par succession de tems vien-
dra à la cognoissance de la posterité, que
la chose sera comprise en trop grande
brieveté sur quoy faudroit avoir l’avis de
ceus qui du fons & abric des docteurs ont
porté l’usage des loix à la poudre & cla-
meur des cours. Car à eus seuls peut appa
roitre par quelz moiens les especes des
choses se peuvent assembler pour les revo
quer à certain genre. Mais à un tas de so-
Link to an image of this page  Link to an image of this page  [G4v p104]phistes, qui ne pouvant porter la lumiere
d’un parlement, ont conclu la cognoissan-
ce des choses grandes sous les allées & deam
bulations d’école, il est fort difficile d’en
bien juger. Car quelle tant grande admi
ration peut étre de reciter en public ce
que tu auras appris à ton grand loisir.
Mais celuy me semblera étre digne de ce
tant magnifique nom de jurisconsulte, qui
de toute question proposée pourra docte
ment respondre, selon les loix & coutu-
mes de la province lequel s’il promet de
rediger le droit en art & preceptes, il fera
beaucoup de foy en mon endroit.



Iconclass Keywords

Relating to the image:

Relating to the text:

  • Equality, Equity, Fairness, Righteousness; 'Equalità', 'Equità', 'Giuditio giusto', 'Ordine dritto e giusto', 'Ugualità' (Ripa) [59C21] Search | Browse Iconclass
  • geographical names of countries, regions, mountains, rivers, etc. (names of cities and villages excepted) (with NAME) [61D(Lesbos)] Search | Browse Iconclass
  • Justice; 'Forza alla giustitia sottoposta', 'Giustitia', 'Giustitia retta', 'Giustitia rigorosa', 'Impietà e violenza soggetta alla giustitia', (Ripa) [59C2] Search | Browse Iconclass
  • magistracy, judges [44G13] Search | Browse Iconclass
  • Reason; 'Ragione' (Ripa) [52B51] Search | Browse Iconclass
  • Wisdom; 'Sapienza', 'Sapienza humana', 'Sapienza vera' (Ripa) [52A51] Search | Browse Iconclass

Hint: You can turn translations and name underlining on or off using the preferences page.

 

Back to top