Switch to Dual Emblem Display

Link to an image of this page  Link to an image of this page  [I2v p132]

Sur le cheval de bon coeur.

Le clergé.

Un cheval preux à tout service né
N’estant encor de vertu arrétée,
Outre le faix qui luy fut ordonné
Receut un poix plus grand que sa portée,
Si que du faix sa force agravantée
A tel besoing luy refusa secours,
Des Clercs latins c’est l’usage & le cours,
Qui presumans la Grece outrepasser
Se sont enclos en leurs mémes détours,
Pour à jamais leur splendeur effacer.

Link to an image of this page  Link to an image of this page  [I3r p133]

Narration Philosophique.

MOïse tant pour avoir donné ses
loix, que pour avoir eu la charge
de l’armée de Dieu, le premier
des hommes, a compris en un seul livre
reigles infinies touchant les ceremonies
des sacrifices, & offices des prétres. Et
combien que du mouvement de Dieu, il
ordonnat que ceux qu’ilz instituoit [=instituoient] à la
prétrise, fussent excellens en toute perfe-
ction de vertu, si ne feit il jamais une seu
le loy de l’abstinence de mariage, à ceux
qui sont nommés en l’écriture Levites. Et
grand tems apres, Jesucrit, soy disant &
nommant Messias de l’authorité de la
loy Mosaïque, combienque il voulut que
les siens fussent perfés en tout, si ne tou-
cha il à ce point. Puis les Apostres, qui
l’avoyent ouy en ses predications &
ceux qui par la vocation de Dieu se ren-
gerent à leur doctrine, combien qu’il [=ils] ne
refusassent contention aucune pour les or-
nemens de la loy, & qu’il ne leur defaillit
chose qui fut conjointe avec les actions
de vertu, ilz n’ordonnerent toutefois rien
Link to an image of this page  Link to an image of this page  [I3v p134]touchant cela. Auquel état & discipline
ceux qui apres ont pris la méme religion
ont persisté, sans aucun debat & contro-
verse jusque au concile de Nicée. Auquel
étans venus plusieurs Evesques de toutes
pars du monde, sembla étre convenable
à l’état des clercs, & non abhorrent de la
dignité du concile, si contre l’exemple des
anciens, on mettoit en avant l’abstinen-
ce de mariage en prétrise. Sur quoy les
sentences & opinions de tous rapportées
sembloit que le concile inclinast oter le
mariage des prétres: se trouva neant-
moins un Phanutius, qui apres avoir dit
son avis impetra du concile, que cela fut
remis au vouloir d’un chacun. Car il
ne trouvoit pas bon que la chasteté de
ceux qui encores que tel cas ne fut or-
donné, le feroient voluntairement
fut amoindrie: & au contraire n’esti-
moit que ceux qu’à peine on pourroit
induire à cela, deussent étre contrains.
Duquel l’avis eut tel poix & authori-
té envers le concile, qu’il ne fut rien
innové pour lors. Puis quelque tems
apres seant le Pape Calixte commença
Link to an image of this page  Link to an image of this page  [I4r p135]à sembler étrange de l’excellence & or-
dre du clergé, de ne passer en quelque
perfection les lais, à l’instance de l’Egli-
se Occidentale
fut fait nouvel Edit sur
l’abstinence du mariage des prétres: le-
quel encores qu’il ne fut receu par les
Grecs
, toutefois noz gens l’ont constam-
ment gardé jusques à ce tems. Et combien
que plusieurs grands personnages, &
mémes les plus apparens defenseurs de
la liberté Papale, l’ayent contredit si
devons nous souhaiter que ceux qui
ont choisi telle maniere de vivre, s’y
portent bien & saintement, & qu’ilz n’a-
dulterent par ordures, & céte singe de
vertu volupté, un edit incitant à si gran
de chasteté. Car qui est ce qui peut étre
tant brave & magnifique en la prétrise,
qui ne soit souillé par ces villanies. Or
ceux qui ont premierement amené en
l’Eglise l’abstinence de mariage, regar-
doient principalement à ce que par l’i-
mitation des choses divines, ilz appro-
chassent leurs clercs de Dieu. Mais ceux
qui par manifestes fornications deshono
rent leur prétrise, je ne voy point en quoy
Link to an image of this page  Link to an image of this page  [I4v p136]ilz suivent la sentence & pensée du con-
sile Car se méler aux affaires de mariage
ne semble étre convenable à l’ordre &
majesté des clercs: on ne devra, a mon a-
vis, endurer que telle dignité soit en face
de tous defigurée par insigne mechance
té. Or il est des gens qui en choses contrai-
res ne s’acordent pas: ilz fuient severe-
ment le mariage, & neantmoins, se mon
trent corrumpus & effeminés en toutes
voluptés & fornications. Et certes cela
s’entretient fort mal, qu’il y ayt des gens
qui ne se veulent permettre ce qui est li-
cite à tous, & se permettent ce que les au
tres estiment mauvais & defendu. Et
pourtant il faut admonéter ceux qui ont
l’état & honneur de l’eglise cher & recom-
mandé, que par severité des loix & la pei
ne des conciles, repriment les clercs qui
seront trouvés attains de fornication &
autres pechés, puisque la chose est venu
la, qu’on ne les peut retenir en office par
la beauté de la vertu. Car cela est mal
seant, que ceux qui sont mis pour exem-
ple au vulgaire & peu doctes, leur ap-
portent incitation à pecher. Car si le
Link to an image of this page  Link to an image of this page  [I5r p137]tems passé, les Vestalles qui étoient con-
vaincues d’avoir blesse leur honneur &
pudicité, étoient par le commandement
du grand Pontife enfouies vives en ter-
re: qu’elle [=quelle] injuste mort pourra étre or-
donnée à ceux qui nommés étans pré-
tres du grand & eternel Dieu, contre les
mandemens de l’Evangile, l’institution
de noz majeurs, & la doctrine du tems
gatent leurs sacrifices par méchante re-
nommée d’impudicité.



Iconclass Keywords

Relating to the image:

Relating to the text:

  • Greece (one of the four world empires [23S13] Search | Browse Iconclass
  • Heaviness [51G2] Search | Browse Iconclass
  • organization, functionaries and dignitaries in Roman Catholic church; clergy in general [11P31] Search | Browse Iconclass
  • Service [53CC11] Search | Browse Iconclass
  • Strength, Power; 'Fortezza', 'Fortezza d'Animo e di corpo', 'Fortezza del corpo congiunta con la generosità dell'animo', 'Fortezza & valore del corpo congiunto con la prudenza & virtù del animo', 'Forza' (Ripa) [54A7] Search | Browse Iconclass
  • Virtuousness; 'Amor di Virtù', 'Attione virtuosa', 'Guida sicura de' veri honori', 'Virtù', 'Virtù insuperabile' (Ripa) [57A6] Search | Browse Iconclass

Hint: You can turn translations and name underlining on or off using the preferences page.

 

Back to top