Switch to Dual Emblem Display

Link to an image of this page  Link to an image of this page  [L4r p167]

Sur le symbole de Pythagoras,
Ne mange point du coeur.

Contre ceux qui estiment que ne se fas-
cher ou ne se soucier, n’est pas l’office
d’un bon Crétien.

Pythagoras faisoit defence expresse
A tous ses gens de ne manger du coeur:
Signifiant que langueur & detresse
On doibt fuir, & s’y monstrer vainqueur.

Link to an image of this page  Link to an image of this page  [L4v p168]

Narration Philosophique.

CE vieil decret de Pytagoras en ses
symboles, ne mange point du coeur
Jesucrit long tems apres l’a par sa
sentence approuvé. Et non seulement ceux
qu’on nommoit Philosophes ont dit que
le sage devoit étre vuide de toutes pertur
bations, mais aussi Jesucrit tachoit à re-
voquer des facheries de ce monde ceux
qui s’étoient rengés à sa doctrine: & n’e-
stimoit personne digne de sa doctrine &
vie, qui premierement n’eut chassé de
soy les cures & menées de ce siecle. Car
nous ne devons estimer la loy de Dieu tant
peu excellente, qu’a celuy qui s’y adon-
nera ne soit assés pour bien & heureuse-
ment vivre. Mais qui est en telle opinion
de penser, que la braverie crétienne à be
soin du secours de choses fortuites, & com-
me non contente de son support, la char-
ge de soin & sollicitude? celuy combien
qu’il soit prisé du vulgaire, & soit en-
vers tous en opinion d’etre diligent &
sage. si ne me semble il point étre dedans
le fort de l’evangile. Car tout ainsi comme
Link to an image of this page  Link to an image of this page  [L5r p169]témoigne notre Seigneur, en vain tu se-
mes ton grain entre les épines & ronces
parce que l’épi appuyé sus un chalu-
meau tendre ne peut surmonter ces em-
péchemens de buissons: ainsi la parolle
de Dieu voire prise avec un grand plaisir
d’esprit, & [=est] facilement étainte par les trou
bles de ce siecle & cogitation des choses
humaines. Et si telles gens se dient étre
religieux observaeturs [=observateurs] de jeunes, garder
justice & pieté: bienfaire à plusieurs, ilz
ne me sembleront toutefois sans faulte &
reprehansion, si avec si grand soin, & si
ardente affection d’esprit ilz s’emploient
à faire une bonne maison, encores qu’ilz
ne facent tort à personne. Car comme dit
Jesucrit les gentils cherchent telles cho-
ses. Et combien qu’ilz n’offensent la pre
miere loy de nature, si ne meritent ilz d’é-
tre nommés Crétiens: au nombre désquelz
nul sage peut étre mis, si non qu’il con-
ferme la sapience populaire par céte seu-
le note de vertu. Toutefois je ne suis
pas celuy qui estime qu’il nous faille je-
ter des mains tout ce soin d’amasser:
Link to an image of this page  Link to an image of this page  [L5v p170]mais en cela faudra se renger à la medio-
crité de saint Paul, à ce que comme fai-
sans autre chose, & en rien distrais de
Dieu & des actions evangeliques, nous
faisons notre profit, & amassions argent
vivans comme non vivans, edifians com-
me non edifians, & que telle soit la con-
stance notre tant en prosperité qu’en cho
ses fascheuses, que jamais la tranquilité
de la vie ne soit jetée de son état, ou en
quelque chose amoindrie: laquelle ne
plus ne moins qu’en mer aussi aux espris
des hommes se peut aisément voir, quand
les vagues & undes des perturbations
apaisées, l’esprit ne desire riens.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top