Switch to Dual Emblem Display

Link to an image of this page  Link to an image of this page  [P4v p232]

Sur Vulcan.

Souventes foys en amours un benyt ou lourdaut
estre plus favorisé qu’un homme de bon esprit.

Voy Vulcanus lourd & mal gratieux
Et enfumé tousjours par le visage,
Ayant à soy les plus belles des cieux,
Venus, & Grace en sort de mariage.
De ce Mercure a aigry son courage:
Mais à bon droit on luy donne pardon.
Vous verrez donc en l’amoreux brandon
Un charbonnier ou quelque gras museau,
Link to an image of this page  Link to an image of this page  [P5r p233]Avoir trop plus de faveur & guerdon
Qu’un miste ou coint, & du tout damoiseau.

NARRATION PHILOSOPHIQUE

QUelcun se pourra à bon droit émer
veiller, que Vulcain laid & enfu-
mé ait peu avoir par mariage Ve-
nus
& Grace tant accomplies en toutes
beautés de corps: veu que Mercure non
moins prisé pour sa belle stature & ele-
gance de cors, que pour le don d’eloquen
ce & sçavoir n’eut jamais la moindre par
tie de si grand bien. Est ce pour ce que le
cours des choses est tel, qu’aux gens bra-
ves & accors fortune n’a accoutumé de
se montrer tant favorable, qu’a ceux qui
pour leur mauvaise grace & tardité n’es-
pererent jamais un si grand bien? Estce
pour ce que maintes choses aviennent à
ceux qui n’y pensent point, & qui ne les
desirent, lesquelles ne tumberoient jamais
en la main de celuy qui en a grand espoir
& desir? Est ce pour ce que aujourdhuy
toutes choses sont libres & prétes aux
gens sots & indignes: mais à ceux qui se
Link to an image of this page  Link to an image of this page  [P5v p234]seront bien portés, & auront merité, les
magistrats, honneurs, offices, benefices,
brief toutes choses sont clauses & cache-
tées? Est ce pource que les dames pour
conserver tousjours opinion de leur pudi
cité & renommée, se donnent plus tot à
ceux qui par le jugement du peuple sont
estimés ne pratiquer l’amour? Ou bien
pource que par droit & raison elles puis-
sent demander le service de la nuit à ceux
qu’elles ont pour cuisiniers, jardiniers,
souliars de maison, & loués a semblables
affaires du jour? Est ce pource que les
plus mignons font souvent asses mal la
besogne des femmes? Est ce pource que
telle est la liberalité & bienveillance de
nature en notre endroit, de compenser
tousjours un donmage par un profit, &
qu’à ceux ausquelz elle à denié les orne-
mens & richesses de l’éprit, donne vo-
luntiers fermeté de rains, force de bras &
de cors: à fin qu’ilz puissent servir mieux
aux desirs des femmes, & procréer lignée:
d’ou peut venir que telle stature & gran-
deur de cors leur moyenne souvent
la bonne grace des dames?



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top