Switch to Dual Emblem Display

Link to an image of this page  Link to an image of this page  [Q1r p241]

Au pourtrait de Coricius.[1]

Labeur surmonte tout.

Coritius feit si grand diligence
A labourer un cham rude & sterile,
Que par moyen de sa perseverance
Il le rendit du tout bon & fertile.
Aussi ne faut laisser comme inutile
Ce qu’on ne peut incontinent comprendre:
Car par labeur l’obscur devient facile,
Et par travail on peut tout entreprendre.

Link to an image of this page  Link to an image of this page  [Q1v p242]

Narration Philosophique.

TOut ainsi qu’il y a plusieurs choses
en la vie de l’homme, qui se montrent tres
faciles à celuy qui contemple & deli-
bere: mais il n’a rien moins en experimen
tant: aussi on voit maintes choses, qui à ceux
qui y songent semblent étre impossibles,
mais se montrent aisées & se surmontent par
labeur quand les mét à l’essay. Car comme
on dit, il n’i a rien difficile à celuy qui veut:
aussi celuy qui emploira les ners de son
esprit à peu d’affaire, surmontera choses
grandes. Et combien que le Grecs eussent
ja passé neuf ans au siege de Troie sans
acte digne de gloire, neantmoins par le
temoignage des hommes & des Dieux fut
tourné à louange a Nestor & Ulysses gens
sages, de ce qu’ilz asseurerent les Grecs ja
rompus par déespoir, & par harangues
magnifiques les inciterent d’achever le re-
ste de la guerre, selon la prophetie de Cal
cas
. Car combien qu’il soit facheux à celuy
qui travaille beaucop de n’avancer rien:
il est encores plus villain, quand celuy qui
a souffert plusieurs travaux, laisse la be-
soigne imperféte. Car de tant que quelque
Link to an image of this page  Link to an image of this page  [Q2r p243]cas est plus brave, de tant il est plus difficile: & quand
tu auras pris beaucop de peine en quelque chose, tu
auras aussi plus de plaisir à la jouissance. Et commune-
ment en toutes choses louables nature a mis une dif-
ficulte, à fin que l’industrie de ceux qui excellent en
quelque chose fut veuë par dessus les gens lours & ne
gligens. Et s’il y a aucun qui s’estime tant tardif de
nature, qu’il soit quasi elongne de la cognoissance des
choses, si pourra il apprendre quelque cas par labeur
& continuité. Car quelle terre, quel jardin ou fond,
peut jamais étre tant sterile, qui ne se façonne par la-
beur? aussi qui est l’esprit de l’homme tant agreste, qui
par veilles & labeur n’eclaircice & quasi se cultive?
Demosthene le premier de la republique d’Athenes
en eloquence & avis, est dit avoir eu ce vice de na-
ture, qu’il ne pouvoit prononcer la premire létre de
la science en laquelle il étoit parangon: mais il s’en cor
rigea, mettant un jeton dedans sa bouche: & fit tant
par sa diligence, que non seulement en autres choses,
mais en douceur de voix, & grace de pronuntiation,
il surmontat tous ses égaus qui versoient en mémes
cours d’eloquence, voire par la confession de ses en-
nemis.

Notes:

1.  Corycius (or Coyrcus) was a character in Vergil (Georgics, 4.116-148), renowned for his gardening.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top