Switch to Dual Emblem Display

Link to an image of this page  Link to an image of this page  [Q7v p254]

Sur le paintre Protogenes.[1]

Vaquer à l’estude moderement.

Protogenes peignoit excellemment:
Et estoit dit n’avoir la continence
D’oter la main de l’oeuvre un seul moment
Dont on blasmoit si grande diligence.
Ceux qui n’ont point moyen ny temperance
En leur estude, ilz se font un grand tort:
Car bien souvent, pour un desir immense
De trop savoir sont cause de leur mort.

Link to an image of this page  Link to an image of this page  [Q8r p255]

Narration Philosophique.

CIceron appelloit Cato, celuy qui
puis apres fut nommé Uticensis,
gourmant de livres: par ce qu’il n’in
termetoit jamais l’etude des sciences, &
tout les tems & loisyr que les affaires de la
chose publique luy pouvoient donner, l’em-
ploioit à lire. A la méme étude des létres
Pline enviellissoit, assurant tout le tems
étre perdu, qui n’etoit donné a la cognois-
sance des choses grandes. En laquelle opi-
nion étoient anciennement ces excellens
Philosophes, qui s’etans retirez du ma-
niment de la chose publique, mirent leur
esprit à la cognoissance de verite: & jour
& nuit étoient en contention. Laquelle
chose combien qu’elle soit louable, faut
toutefois que celuy qui est de telle va-
cation, se donne guarde qu’il ne reçoive
céte charge avec dommage & perte de
sa santé. Mais par avanture il est fort dif-
ficile aux gens envieux d’apprendre d’a-
voir éguard à soy, & temperer céte grande
ardeur. Mais si quelque mauvaise fortune
de maladie vient au travers de leur vie
quasi portée par charios par le milieu des
Link to an image of this page  Link to an image of this page  [Q8v p256]letres, ilz apprenent certes à leur domma-
ge combien un petit relai leur eut servi a
la santé. Car encores que repos soit fort
contraire a labeur, il avient toutefois qu’il
aide grandement le travail, & fait ceux qui
sont en affaires plus habiles à la besoigne
Et ne doivent ceux qui ont quelque cho-
se en main moins aviser à adoucir leur la-
beur par quelque mediocrité & repos,
qu’à parvenir a ce qu’ilz pretendent.
Car un trop grand prochas est souvent
retardé: & qui sans intermission se jette
en quelque chose est aucunefois revoqué
de la fin au commencement.

Notes:

1.  A famous Greek painter, from Caunus in Caria (Asia Minor), 4th century BC.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top