Switch to Dual Emblem Display

Link to an image of this page  Link to an image of this page  [X7r p333]

Le tondeur de brebis.

Alleger les subjects.

Un paovre sot, de tondre le troupeau
Eut du Pasteur charge & commission:
Mais l’ignorant luy leva laine & peau,
Sans estre en rien meu de compassion.
Qui rend d’un sep double prestation,
Et d’un arpent porte double truage,
Pour le grand faix de l’imposition,
Quitte souvent la terre & labourage.

Link to an image of this page  Link to an image of this page  [X7v p334]

Narration Philosophique.

IL n’est rien plus mauvais, comme je
croy, que ceux qui étans pervenus aux
dignités, esquelles les semences de ver
tus & tous devoirs peuvent apparoir, s’y
portent neantmoins de telle sorte, que non
seulement ne veulent profiter à personne,
mais aussi offensent ceux desquelz ilz de
vroient pourchasser le bien & avancement.
Laquelle chose de tant est plus detestable
& indigne, qu’ils appliquent ces beaux
ornemens de vertu à detruire vertu, &
se servent de l’honneur pour abatre hon-
neur. Car que peut étre plus convenable
à ceux qui gouvernent la chose publique,
ou mieux duisant à leur état, que de faire
tous les plaisirs au peuple, qu’il leur est
permis par leur office? Que leur peut étre
plus necessaire, que delivrer leurs citoiens
de mort, concussion, & force? ou qui pour
roit étre plus conjoint à leur administra-
tion, que de rendre le droit à un chacun,
& repouser les effors des mechans de la
téte des bons? Ces choses me semblent
étre tant proches & liées avec leurs étas,
Link to an image of this page  Link to an image of this page  [X8r p335]que ny de fait, ny de pensée on ne les
pourroit disjoindre. Mais ceux qui con-
vertissent une dignité si belle & produi-
sant si beaux effes, au dommage des ci-
toiens, qui depouillét les provinces, qui
attendent ou supposent les testamens des
riches: qui ont toutes choses venales,
arest, sentence, siege, maison, voix, & avis,
& mémes le silence, qui envoient gens
pour piller les villages, qui chassent leurs
voisins de leurs maisons: qui donnent par
argent aux accusez des juges à poste: qui
vendent aux riches accusateurs commis-
saires à la corruption des jugemens, qui
ferment la porte de justice à ceux qui ne
baillent rien, qui par contras violens a-
chetent de leurs gens les maisons de leurs
ancetres: brief qui ne font autre chose
que faire leur maison grande, personne
n’estimera que telles gens soient en de-
voir. Et comme il y a plusieurs vices qui
ressemblent & ensuivent la vertu de pres:
aussi nous en voyons aucuns, qui quand
on pense qu’ils se portent bravement en
leur état, lors ilz faillent plus lourdement.
De ceux ci est remply notre tems, qui
Link to an image of this page  Link to an image of this page  [X8v 336]sous simulation de vertu tirent les autrés au danger de
leur vie, & voulans étre veus bravement combatre
pour le bien public, chacun toutefois cognoit facile
ment qu’ils bataillent non avec les hommes, mais
avec leurs biens & richesses. Mais en si grande oppres-
sion de l’innocence & vertu, ni [=n’i] a personne qui n’e-
stime les moienneurs de telles choses plus misera-
bles, que ceux qui les endurent. Car celui qui à faux
titre est deferé de crime, il à cela commun avec Jesu-
crit
& les Apotres: mais ceux qui pretent publique
ment leur peine à la ruine des bons, & ne les pou-
vans gaigner l’enseigne déploiée, les veulent sur-
prendre par sentences des juges, sont en fin tant
tourmentés en leur conscience, qu’ils estiment le su-
plice étre toujours prest, & nuit & jour en affliction.
Dionysius de Sarragosse[1] en sa prosperité & son em-
pire ne se disoit heureus, luy venans devant les
yeus ses mefais comme furies, qui ne le permetoient
en si grandes richesses vivre en seurté. Mais si en
leurs mechans actes ilz se consolent d’une chose
que braves & bien penses ilz sortent en public, relui
sans en or & pierrerie, ces choses à mon jugement
n’ont tant de credit envers Jesucrit & ses suivans,
que nous ne preferions les portefais & autres mé-
mes personnes du peuple, mémes selon l’opinion de
Jesucrit, les putains à ces braves & insolens.

Notes:

1.  Note this is Syracuse, not Saragossa.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top