Switch to Dual Emblem Display

Link to an image of this page  Link to an image of this page  [BB3r p389]

Sur la harpe d’Orpheus.

La force d’Eloquence.

De son gentil & fort melodieux
D’un instrument, Orpheus feit mouvoir
Rocs & patitz de leurs places & lieux.
C’est eloquence ayant force & pouvoir
D’embler les cueurs de tous part [=par] son sçavoir
C’est l’orateur qui au fort d’eloquence,
Premier souz méme demourance
Gens bestiaulx, & par ferocité
Link to an image of this page  Link to an image of this page  [BB3v p390]Les assembla: & qui à bienveillance
Les revoqua de leur ferocité.

NARRATION PHILOSOPHIQUE.

ENtre les choses qui non seulement
au maniment des republiques, mais
aussi à eriger cités, plus ont eu de
pouvoir, eloquence tient la principauté.
Car tout ainsi que quand nous lisons les
pasteurs & etrangers, avoir été assembles
par Romulus pour edifier Rome: nous
estimons cela avoir été fait par eloquence:
aussi celle mémes à toujours été cause de
retenir la paix & repos en une cité? Sur
quoy est estime magnifique ce qu’on dit
de Menenius Agrippa, par l’oraison du-
quel l’odieus departement du peuple
d’avec les Senateurs fut revoqué. Aussi
Sulpitius Gallus par son bien dire, excita
l’armée ja entrée en desespoir de la victoi
re, pour une eclipse de Lune. Ce qu’on
dit étre avenu à Pericles, duquel l’orai-
son recrea ses gens afoiblis par crainte
pour la faillance du Soleil. Mais y à il cho
se plus magnifique, que pouvoir par bien
dire illustrer, ce qu’on entreprent de per-
Link to an image of this page  Link to an image of this page  [BB4r p391]suader: & pousser les espris de ceux qui oient
ou tu voudras, & les ramener aussi d’ou il
te plaira? Qui est ce qui est plus admira-
ble, qu’en une grande compagnie d’hom-
mes pouvoir quasi seul avec honneur user
du don que nature a fait commun à tous
les autres? Que peut aussi étre plus con-
venable à la religion, que par le torrent
de l’oraison ramener les méchans à la
droite ligne de verité? En cecy qui peut
quelque chose, à son aise pourra mener
les gens, la part ou son oraison s’enclinera
une fois il detruira, l’autrefois il semera
nouvelles opinions: & quand il voudra
defera les opinions inveterées. De ceux
ci, & de leur ornement en disant, emer-
veillées les nations ont toujours donné
beaucop à l’eloquence. Pourtant de no-
tre tems plusieurs se sont fort adonnés à
céte étude, qui leur a apporté grand pro-
fit & honeur. Mémes aucuns se sont trou
vés, lesquelz encores qu’ilz fussent igno-
rans en droit civil & aux constitutions
des majeurs, parce que toutefois ou seuls,
ou avecques peu de gens aportoient à la
tractation de céte science, mots exquis, &
Link to an image of this page  Link to an image of this page  [BB4v p392]une parure & quasi une robe d’oraison,
seuls ont été juges Jurisconsultes, & comme
arrivés en leur terre & possession ont chas
sé des ecoles & bibliotheques les anciens
maitres & docteurs du droit. Ausquels est
grandement louable de traiter avecques fa-
culté d’orateur, les choses qui premiere-
ment ont été baillées par les gens eloquens:
mais toutefois c’est chose proche d’enfan
ce, de s’amuser tant à la suite & disposi-
tion des parolles, & passer la science sans
luy donner son enrichissement. De telles
gens le labeur sera moins agreable à be-
aucop: parce que ceux qui voudront a-
prendre le droit, ne liront leurs livres com-
me trop eloignés de l’art & des prece-
ptes, & n’apartenans rien à vuider les cau-
ses & procés: aussi ceux qui voudront
aprendre la diction & le Latin, & se dele-
cteront des fleurs & abondance d’oraison,
ne daigneront veoir leurs livres ayans
mieux dequoy satisfaire à leur desir, par
les livres de Ciceron & autres qui sont
nommés entre les plus eloquens.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top