Switch to Dual Emblem Display

Link to an image of this page  Link to an image of this page  [A4r p7]

A trompeur trompeur & demy.

2

Comme le brave & glorieux
Trouve en la fin qui luy fait peur

Link to an image of this page  Link to an image of this page  [A4v p8]

Ainsi est deceu le trompeur
D’un plus caut & fallacieux.

Fable du Coq & du regnard.[1]

LE regnard, par bois errant,
Va querant,
Pour sa dent tendre pasture,
Et si loing en la fin va,
Qu’il trouva:
Le Coq par mesaventure.
Le Coq (de grand peur quil ha)
Sen volla,
Sur une ente haute & belle:
Disant, que maistre regnard,
N’ha pas l’art:
De monter dessus icelle:
Le regnard, qui l’entendit,
Luy à dit:
Link to an image of this page  Link to an image of this page  [A5r p9](Pour mieux couvrir sa fallace)
Dieu te gard amy trescher,
Te chercher
Suis venu en ceste place.

Pour te racompter un cas,
Dont tu n’as
Encores la congnoissance:
C’est, que tous les animaux,
Laidz, & beaux,
Ont fait entre eux alliance.

Toute guerre cessera,
Ne sera
Plus entre eux fraude maligne,
Seurement pourra aller,
Et parler:
Avecques moy la geline.

Des bestes un million,
Le Lyon
Meine jà par la campaigne,
La brebis avec le loup,
A ce coup,
Sans nul dangier s’accompaigne.

Tu pourras voir icy bas
Link to an image of this page  Link to an image of this page  [A5v p10]Grands esbats,
Demener chascune beste:
Descendre doncq il te faut
De la haut,
Pour solenniser la feste.

Or feust le Coq bien subtil,
Jay (dist il)
Grand joye d’une paix telle:
Et te remercie bien,
Du grand bien,
D’une si bonne nouvelle.

Cela dit vient commencer
A hausser,
Son col & sa creste rouge:
Et son regard il espard,
Mainte part,
Sans que de son lieu se bouge.

Puis dist j’entens par les boys
Les abboys,
De troys chiens qui cherchent proye:
Ho compere je les voy
Pres de toy:
Va avec eux par la voye.

Lors respond le regnard caut,
Link to an image of this page  Link to an image of this page  [A6r p11]Il me faut
Prendre la course bien viste:
Car si l’un d’eux (quel qu’il soit)
M’apperçoit,
J’y demourray pour le giste.

Comment (dist le coq crestu)
Les crains tu?
M’as tu pas dist la nouvelle:
Que les bestes d’accord sont?
Qu’elles ont
Fait alliance nouvelle?

Ha (dist il) ceux cy n’ont pas
Sceu le cas
Tout ainsi comment il passe:
Et pourtant pour ceste fois
Je m’en vois:
De peur que naye la chasse.

Ainsi feust par un plus fin
Mise à fin
Du subtil regnard la ruse,
Qui ne veut estre deceu
A son sceu:
D’un tel engin faut qu’il use.

Notes:

1.  Aesop, Fables, 2.15.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top