Switch to Dual Emblem Display

Link to an image of this page  Link to an image of this page  [A6v p12]

Avarice est pernicieuse en la republique.

3

Le Senat exempt d’avarice
Acquiert un immortel renom,
Mais s’il est taché de ce vice:
Il perdra sont [=son] bruit & son nom.

QUand Licurgus legislateur tressage
Subjette aux loix Lacedemon rendist,[1]
D’or & d’argent il luy osta l’usage:
Et d’en jouyr à jamais deffendist.
Bien prevoyant que l’ardante avarice
Souvent destruit toute bonne police,
Car l’homme espris de son ardeur extresme
Est ententif au prouffit de soymesme:
Le bien publiq mettant en nonchaloir.
Qu’en advient il? la ruine dolente
Link to an image of this page  Link to an image of this page  [A7r p13]D’une Cité fameuse & opulente:
Mauvais effect vient d’inique vouloir.
Mauvais effect vient d’inique vouloir
O preux Romains en sauriez vous que dire?
Desir d’avoir vous fit maux recevoir:
Ambition vous causa grand martire.
Lors que chascun en son affection,
Estoit content de sa condition,
Et ne sentoit sa pensee asservie
Au rude joug de malheureuse envie
Vous dominiez toute la terre ronde:
Mais aussi tost qu’avarice damnable,
Prist place au coeur du Senat honorable:
Escarté feust tout l’Empire du monde.
Escarté feust tout l’Empire du monde
Tesmoing Cesar qui vous en despouilla,
Lequel aussi par guerre furibonde:
Ses mains au sang des Senateurs souilla.
Ce grand malheur avarice fit naistre,
O Licurgus tu sceus tresbien congnoistre
Le feu mortel d’ardante convoitise,
Pource ordonnas en Sparte estre de mise,
De fer percé, une monnoye utile:
Pour conserver ton Senat tresillustre,
Et pour ne voir effacer le clair lustre:
Link to an image of this page  Link to an image of this page  [A7v p14]De ta Cité aggreable, & gentille.

Notes:

1.  Lycurgus, the Spartan legislator (semi-historical); creator of one of the oldest constitutions. Lacedaemonia was the name of the entire city-state, specifically, the region around the city of Sparta.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top