Switch to Dual Emblem Display

Link to an image of this page  Link to an image of this page  [B2v p20]

La femme prudente

6

Femme qui est sage
Ne court ça, ne la,
La folle & volage:
N’ayme que cela.

PHidias paintre expert & sage
Si croire on doit l’antiquité,
Paignist la forme & le corsage:
De la deesse de beauté.
Link to an image of this page  Link to an image of this page  [B3r p21]Belle la fist, & excellente,
Pressant une tortue lente
De son pied delicat, & tendre.
Par cela nous faisant entendre,
Que la femme en toute saison:
Doit avoir soing de sa maison.
La femme qui ha le courage
Adonné à honnesteté,
Et desire durant son aage
Garder son los & chasteté,
Doit ensuyvre la droite sente,
De vie honorable, & decente,
Se garder de chose entreprendre
Dequoy on la puisse reprendre,
Mais sur tout en toute saison:
Doit avoir soing de sa maison.
La Tortue n’est point volage:
Son toict est d’icelle porté,
Dehors n’en sort pied, ny visage:
Sinon en la necessité.
Tout ainsi la femme prudente
Tousjours est chez soy residente,
Et ne veut en rue descendre
Fors que pour acheter, ou vendre:
Pour autant qu’en toute saison
Link to an image of this page  Link to an image of this page  [B3v p22]Ell’ ha le soing de sa maison.
Dames d’honneur si voulez tendre
Au los qu’on peut de l’honneur prendre:
Il vous faut en toute saison
Avoir soing de vostre maison.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top