Switch to Dual Emblem Display

Link to an image of this page  Link to an image of this page  [B4r p23]

Le Prince inique & le mauvais officier

8

L’homme meschant mis au degré d’honneur
Maints innocens durement extermine,
Mais il advient qu’en la fin son Seigneur:
Pour ses meffaitz luy mesme le ruine.

Link to an image of this page  Link to an image of this page  [B4v p24]

QUand le Prince inique
A sa republique
Veut donner ennuy,
Il pourvoit d’office
Quelque homme propice:
Et semblable à luy.
L’officier pervers
Fait lors maux divers,
Et pour l’avantage
Du prince malin:
Prive l’orphelin
De son heritage.
Par faulse pratique
Les biens il confisque
Du povre innocent:
Donnant à congnoistre
Qu’au vueil de son maistre:
Tousjours condescend.
Par dons s’enrichist,
Par dons il fleschist,
Et le droit renverse:
Maintient par faveur,
Du plus grand donneur,
La cause perverse.
De tout le pillage
Link to an image of this page  Link to an image of this page  [B5r p25]Met à son usage
La meilleur part.
Car l’argent du prince
Subjet à la pince:
Est en toute part.
Mais comme il advient
Qu’à neant tost vient,
Une violence:
Ainsi ses fins tours
En bien peu de jours,
Vont en decadence.
Car Dieu juste juge
Des siens vray refuge
Et appuy tresseur,
Par rude vengeance
Punist l’arrogance:
D’un tel oppresseur.
Ce pernicieux
Dieu rend odieux,
En fin à son maistre:
Et fait à ses yeux,
Tous ses vicieux,
Forfaitz apparoistre.
Lors le prince mesme,
Par malice extresme
Link to an image of this page  Link to an image of this page  [B5v p26]Se voyant trompé:
Surpris d’ire grande
Le meschant commande
Tost estre attrappé.
Qu’en fait ce Seigneur?
D’office, & d’honneur,
Il le prive à l’heure:
Le rend despouillé
Du bien qu’a pillé,
Rien ne luy demeure.
Tel prince ressemble
(Ainsi qu’il me semble)
Au Roy inhumain:
Qui le monde ronge,
Et tient une esponge,
En chascune main.
Dont l’une, tout beau,
Vient à succer l’eau,
Mais quand il la presse:
Il fait par rigueur
Vuider sa liqueur,
Et seiche la laisse.

Notes:

1.  This emblem uses the same image as number 20 ([FGUa020]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top