Switch to Dual Emblem Display

Link to an image of this page  Link to an image of this page  [C1r p33]

Ne s’accointer de plus
grands que soy.

12

Si tu te veux associer
D’un plus que toy autorisé,
En fin tu seras mesprisé:
Ne t’en vueilles doncq soucier.

Link to an image of this page  Link to an image of this page  [C1v p34]

Du Coq & du Cheval.

LE Coq de famine pressé,
Dans une estable s’en alla,
Pensant estre bien adressé:
Mais un Cheval il trouva la.
Lequel humblement il salue
Luy disant, Cheval de value
Icy suis venu à recours:
Pour recevoir de toy secours.
Souffre moy l’avoyne manger
Qui est esparse dessous toy,
Tu n’en auras mal, ny dangier:
Et si m’osteras hors d’esmoy,
Mais premier (pour plus grand fiance)
Nous deux ferons une alliance,
Link to an image of this page  Link to an image of this page  [C2r p35]Par laquelle m’accorderas:
Que sur moy tu ne marcheras.

Et je promets de mon costé
Que le semblable je feray,
Je te garderay loyaulté:
Dessus toy point de marcheray.
Et promets encor d’avantage,
Que (si je ne meurs avant aage)
Le bien que m’auras dispensé:
Te sera bien recompensé.

Le Cheval fier & glorieux
Respond lors. O coq insensé
Marche dessus moy si tu veux,
Point ne crains en estre offencé.
Car par trop mince est ta puissance
Pour me faire tort ou grevance,
Mais en mon pouvoir il est bien:
De te nuire ou faire du bien.

Ceste brusque & rude harengue
Avec ce rigoureux reffus,
Rendist le povre Coq sans langue:
Et en son coeur triste & confus.
Link to an image of this page  Link to an image of this page  [C2v p36] Parquoy c’est chose fort louable
De s’accointer de son semblable.
Mais bien folz on repute ceux:
Qui s’accointent de plus grands qu’eux.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top