Switch to Dual Emblem Display

Link to an image of this page  Link to an image of this page  [D4v p56]

Trop enquerre n’est pas bon.

22

Trop enquerre on ne doit
Hommes notez ce poinct.
Car s’enquerant on oyt:
Ce qu’on ne voudroit point

UN malfaicteur emprisonné
Feust quelque jour examiné
D’un enquesteur sot & volage,
Assavoir s’au vray il savoit,
Combien de femmes il avoit
Suborné: durant son jeune aage.
Le gallant excuser s’en veut,
Mais nulle excuse ne luy peut
Servir tant soit elle civille,
Dont confessa par le menu,
Avoir charnellement congnu:
Link to an image of this page  Link to an image of this page  [D5r p57]Cent damoyselles de la ville.
L’enquesteur joyeux de cecy,
Entre en merveilleux soucy,
De savoir au long de cest homme:
Par quelz moyens, & comme, il ha
(Si jeune) peu faire cela:
Puis luy commande qu’il les nomme.
Le bon compagnon s’y consent
Et les nomma: non toutes cent,
Mais en fin il en reserve une.
A l’enquesteur cela desplaist,
Et pour entendre qui elle est:
Le malfaicteur il importune.
Disant vien ça, approche toy:
Sur ton Dieu, ton serment, ta foy,
Dy moy: s’il y en ha point d’autre.
L’autre qui fasché se trouva
Respondit lors, puis qu’ainsi va:
Adjoustez au nombre la vostre.
Si l’enquesteur trouva amer
Ce mot: on le peut estimer,
Car le parler perdist à l’heure:
Et surpris d’extreme regret,
Il jetta maint souspir aigret,
Et son mal non esperé pleure.
Link to an image of this page  Link to an image of this page  [D5v p58]Mais le juge qui la estoit,
Et tous ces propos escoutoit,
D’autre costé se prend à rire:
Et par ceste admonition
Blasmant son indiscretion,
En ce point commence à luy dire.
Qui du mal d’autruy s’esjouit,
Bien souvent d’un plus grand jouyt
Par une vengeance divine:
Et s’enquerant outre devoir,
Quelque fois on vient à savoir:
Son deshonneur ou sa ruine.

Notes:

1.  This emblem uses the same image as emblem 28 ([FGUa028]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top