Switch to Dual Emblem Display

Link to an image of this page  Link to an image of this page  [E1v p66]

Les Princes doivent fuyr les flateurs
comme la poison.

26

Princes Heroiques,
Des flateurs iniques
Fuyez le blason:
Comme la poison.

D’un Philosophe: & d’un flateur.

POur festoyer quelque Seigneur notable
Un Prince fit le festin preparer,
Pour lequel rendre encor plus honorable:
Fit son palais de beauté admirable,
De fin velours tapisser, & parer.
Puis voulust tant ce Seigneur honorer,
Qu’un Philosophe au banquet invita:
Qui d’y aller vistement s’apresta.
Link to an image of this page  Link to an image of this page  [E2r p67]Tous arrivez chascun se mist à table
On les servist fort sumptueusement,
Or specula ce sage tant louable
Le lieu par tout si beau, si delectable:
Qu’il n’eust voulu y cracher seulement.
D’autre costé il regarda comment
D’un beau flateur: (estant le mieux venu)
Tousjours estoit ce Prince entretenu.

Apres cela il advint d’avanture
Que du flateur au visage il cracha,
Le bon gallant ne peust souffrir l’injure:
Dont s’esleva un grand bruit & murmure,
Qui du banquet le service empescha.
Monsieur aussi (qui bien fort s’en fascha)
Luy demanda estes vous enragé
D’avoir ainsi mon servant outragé?

Lors luy respond l’homme plein de prudence,
Je n’ay commis contre vous aucun tort,
Car contemplant la grand magnificence
Qui en ce lieu reluyt par apparence:
Pour y cracher j’ay pris le lieu plus ord.
Par ce monstrant qu’un prince doit plus fort,
De tous flateurs eviter le blason:
Que lieux infaitz: ou la mesme poison.


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top