Switch to Dual Emblem Display

Link to an image of this page  Link to an image of this page  [E3r (as E5r) p69]

En putain n’ha point de foy.

28

Putain qui s’abandonne,
Ne garde non plus foy
A un [=une] autre personne:
Link to an image of this page  Link to an image of this page  [E3v p70]Comme elle fait à soy

UN jour Lays ce vieux cabas rusé
Contre quelqu’un forma grosse complainte,
Qui contenoit que de l’homme accusé,
Ou de son fait: el’ se sentoit enceinte.
Le bon hillot veit que ce n’estoit fainte,
Et qu’il falloit repousser ceste offence:
Si allegua pour raison & deffence,
Qu’à un chascun elle s’abandonnoit.
En concluant que par malivolence,
Et à grand tort: tel blasme luy donnoit.
Ceste deesse alors se prend à braire,
Voire & maintient, & qu’elle est femme de bien,
Le compaignon replique le contraire,
Et si maintient qu’il le prouvera bien
Le juge alors fasché (Dieu sait combien)
Commande à l’homme amener ses tesmoings,
Qui vindrent tost: quinze ou vingt pour le moins
L’enqueste faicte en forme juridique,
Il se trouva que pour beaucoup de points:
La femme estoit une putain publique.
Le juge adoncq prest à donner sentence
Fit un fardeau d’espines amener,
Et la putain (pardevant lassistence [=l’assistence] )
Fit par dessus (les piedz nuds) cheminer.
Link to an image of this page  Link to an image of this page  [E4r p71]Navree feust. Et pour mieux l’estonner
Luy demanda. Or monstre nous icy
L’aguillon seul qui ta [=t’a] picquee ainsi:
Je n’en ay pas (respond el’) la puissance.
Ha ha (dist il) je ne puis pas aussi:
Juger, qui c’est qui t’ha emply la pance.

Notes:

1.  This emblem uses the same image as emblem 22 ([FGUa022]).


Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top