L’ordre de l’Anonciade[1] en la pacifique maison de  ^[M]
Savoye, fut institué par le Conte Vert, Amé v. de ce
nom.[2] La Devise duquel Ordre, il ordonna estre d’un
Collier d’or à quatre lettres entrelacees de lacs d’amour
avec l’image de la salutacion Angelique à la vierge
Marie. Lesdites quatre lettres donques sinifient le mot
que dessus, & ce pour perpetuer en ladite maison, les
faits chevalereus & prouesses d’Amé, premier Conte

  Link to an image of this page  [c4v p40]

de Savoye,[3] lequel voyageant outre mer contre les infi-
deles, merita tant de la Religion de Rhodes, devant
Acre, que faisant l’ofice du Grandmaitre, lui fut requis
de s’armoyer des armoiries de ladite Religion, & lui
& ses successeurs au Conté de Savoye, pour avoir sauvé
lesdis Chevaliers Chretiens, & tiré du peril de la tiran-
nie des ennemis de la Foy. Le susdit Conte Vert donques
instituteur de tel Ordre, en se nommant Chef d’icelui: y
apella aussi quatorze Chevaliers nobles, & lui faisant
le quinzieme, ausquelz il donna à chacun un Collier d’or
à la Devise susdite. Desquelz premiers Chevaliers pour
la memoire les noms sont cy inserez, à savoir:
Ledit Conte Vert.
Amé Conte de Geneve.
Antoine Signeur de Beaujeu.
Hughes de Challon, Signeur d’Arlay.
Amé de Geneve.
Jan de Vienne Amiral de France.
Guillaume de Grandzon.
Guillaume de Chalamon.
Roland de Veyssy Bourbonnois.
Estienne batard de la Baume.
Gaspard de Monmeur.
Barle du Foras.
Thennard de Menthon.
Amé Bonnard.
Richard Musard Anglois.

[Marginalia - link to text]Croniques de Savoye.