Switch to Dual Emblem Display

Link to an image of this page  Link to an image of this page  [B3v p22]

Universus status, ἢ λαοκρατία.

The Universal State, or Democracy.

Les poëtes ont dict des fourmis la naissance
De l’homme avoir esté extraicte quelque fois.
Dont elles ont encor le sens & prevoyance:
Toutesfois elles vont libres de toutes loix,
S’amassant par les monts en troupes desbandees
Sans estre par un Roy, ou par un chef guidees.
Peu de cas les esmeut, sans ordre & sans conduicte,
Elles sont seulement poussees de fureur,
Un grand bruit estonnant les met toutes en fuitte,
Encependant qu’aux champs le soigneux laboureur
Rassemble les esseins de ses avettes belles,
Pour habiter encor dans les rûches nouvelles.
Link to an image of this page  Link to an image of this page  [B4r p23]Lors que les citoyens vivent sans ordonnance,
Chacun voulant regner à sa discretion,
Le droict n’a point de lieu, aussi n’a la puissance,
Il n’y a que tumulte & que sedition.
Le bon pour recompense a seulement envie,
Et la meschanceté est tousjours impunie.
Ainsi qu’un tourbillon predisant la tourmente
Sur les borts sablonneux d’Ocean irrité:
Ainsi est leur police à jamais inconstante.
Laisse-les si tu veux vivre en tranquillité,
Et si tu veux ensuyvre une ferme constance:
Car on ne trouve point au peuple d’asseurance.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top