Switch to Dual Emblem Display

Link to an image of this page  Link to an image of this page  [C6r p43]

Subitae divitiae obliviosae.

Sudden riches bring forgetfulness.

Alors que la richesse
Par devers nous s’addresse,
Et qu’estans otieux
Nous sommes faicts heureux,
Lors nous n’avons la cure
De la grandeur de Dieu,
Et negligeons le lieu
Là ou le pauvre endure.
Lors le divin service
Ne reçoit nostre office,
L’esprit qui rien ne void,
Le futur ne prevoit:
Link to an image of this page  Link to an image of this page  [c6v p44]Ne mesme la tempeste
Qu’au plus haut de la mer
Le vent vient animer
Pour tomber sur sa teste.
Mais à l’heure qu’il pense
Estre en grande asseurance,
Il sent subitement
La grandeur d’un tourment
Qui tousjours le seconde,
Et ne le veult lâcher,
Mais le faict trebuscher
Dans la fosse profonde.
Ayant donc de fortune
La faveur opportune
Il la faut temperer,
Et ne trop esperer:
Car elle estant doubteuse
Retourne aussi souvent
Qu’on void tourner le vent
En la mer orageuse.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top