Switch to Dual Emblem Display

Link to an image of this page  Link to an image of this page  [E5r p73]

Virtus unita valet.

Virtue is powerful when united

La mer ne gaste rien, son sel ne pourrist point,
Et ores qu’elle soit par les vents agitee,
Si est elle tousjours ferme en son premier point,
Ne pouvant en son tout jamais estre gastee.
Link to an image of this page  Link to an image of this page  [E5v p74]Toutesfois s’on la faict aux maretz escouler,
Elle pert sa vertu, & sa force estendue
Par un tel changement s’esvanouit en l’air,
Et par autre douceur sa salure est perdue.
Ce qui est amassé est beaucoup plus puissant
Que ce qui est espars:[1] & davantage dure
Cela qui est tousjours dedans son lieu croissant,
Dont estant transporté il change de nature.
O vous, Princes puissans, soyez d’un mesme accord,
Pour prester vostre main à la pauvre patrie,
Qui au milieu des eaux ne peut venir à port,
Et pour la secourir humblement vous supplie.
Resouvenez vous donc de ce grand Roy Hongrois
Qu’on nommoit Mathias, & dont la renommee
Faict encore trembler les gendarmes Turquois
Sur lesquels il conduit une vaillante armee.
Ne vous separez point par un mauvais vouloir,
Faictes que l’amitié qu’un chacun de vous porte
Au profit du païs, nous face appercevoir
Combien sur le discord elle doibt estre forte.

Notes:

1.  The bundle of arrows lying on the ground in the woodcut is presumably a reference to the story of the Scythian King Scylurus who demonstrated the importance of unity by showing that a bundle of arrows was strong, whereas individually each could easily be broken.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top