Switch to Dual Emblem Display

Link to an image of this page  Link to an image of this page  [H6v p124]

In sponsalia Ioannis Ambii Angli, & Albae Rol-
leae
D. Arnoldi Medici Gandavensis filiae.[1]

On the engagement of John Ambius [or of Ambium] of England, and Alba Rollea, daughter of Mr. Arnoldus doctor from Ghent.

C’est doncques à ceste fois
O gentille race Angloise
Que l’amitié tu reçois
De ceste vierge Gantoise:
Tu sceus flechir la beauté
Link to an image of this page  Link to an image of this page  [H7r p125]D’une excellente pucelle,
Afin que Junon la belle
Joingnist vostre fermeté.
J’en reçois si grand plaisir
Qu’ore de bon coeur je prie
Que vostre amoureux desir
Augmente tout’ vostre vie:
Qu’il demeure permanent,
Tant qu’une fin bien-heureuse
Dans une main gracieuse
Vous emporte au firmament.
Je te prie aussi, Seigneur,
De m’exaucer la priere,
Faisant luire la grandeur
De ta divine lumiere,
En confirmant leur amour,
Et bien-heurant par la grace
Et eux & toute leur race
Tout jusques au dernier jour.
Sus doncques, qu’ils soyent liez
Par un heureux mariage,
Qu’il sorte des mariez
Un legitime lignage:
Assiste à ce sainct accord,
Hymen,[2] que tant on desire:
Qu’on oye sonner la lire
Et du lut le son d’acort.
Et toy, Arnould, sois heureux,
En recevant un tel gendre,
Link to an image of this page  Link to an image of this page  [H7v p126]Priant le plus cler des dieux
Qu’à ta fille il veuille entendre:
Que la prudence & la foy.
Et chaste amour les contienne,
Qu’honneur aussi les maintienne
Dessoubz une mesme loy.
Si ores qu’il est hyver
Et que la terre est reclose
Les fleurs on pouvoit trouver,
Ny le Myrthe, ny la rose,
Ny le verdoyant laurier,
Ne manqueroyent à la voye:
Seulement je vous envoye
Ce que je puis envoyer.

Notes:

1.  These people are unidentified, but must have been people Sambucus knew while staying in Ghent.

2.  Hymen or Hymenaeus, the god of weddings. Reference to Hymen o Hymenaee, Hymen ades o Hymenaee!, Carmen 62 by Catullus.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top