A la jeunesse.

De Jupiter les deux enfans,
Doués de jeunesse eternelle,
Fils de Latone & de Semele,[1]
Soyez vous jeunes cent mil ans.
Faites moy tousjours jeune aussi.
Chasse avec le vin tout souci,
Bacchus, & toy Phebus dechasse
L’infirmité qui tant me fasche.
Faites que vieillesse chagrine
De six vingts ans mon corps ne mine.

Commentaires.

Jupiter eut Phebus de Latone, & Bacchus de Se-
mele. Alciat dit par cest Embleme, que ceux là vi-
vront long temps & en santé, lesquels chasseront au
loing tous soucis cuisans & rongeans, & qui seront
moderés en leur boire & manger, mais sur tout en
leur boire. Il attribue à Bacchus, c’est à dire au vin, la
  Link to an image of this page  [L5r p169] puissance de chasser le souci, moyennant que nous en
usions sobrement: & aux Medecins, (qu’il designe
sous le nom de Phebus) le pouvoir de jecter hors de
nos corps les humeurs peccantes.