SIl est ainsi, hault & puissant
seigneur, que aucunesfois lon
travaille a faire jeux publi-
ques, pour esjoyr & consola-
tier les habitans dune ville, sans quon sai
che a qui lon sesforce complaire. Cest chose
bien juste, que la ou nous cognoissons le chef
de nostre province aggrave de soucyz pour
le pays, travaille de labeurs continuelz
pour le bien du peuple: & par ce souvent sepa
  Link to an image of this page  [A2v p4] re de sa sante ordinaire: nous mettions noz
effors en ouvraige, pour dresser chose qui
luy complaise, partie par comedies ligie-
res, partie par matieres graves & senten-
ces dignes de celuy, a qui la recreation est
aprestee: affin que les joyeux propos cou
stumiers de effacer tristesse, puissent mainte
nir sa virilite suyvant le dire de Salomon,
& les graves sentences se saichent accom
moder a sa severe prudence, tres utile a tous
ceulx de son gouvernement. A ceste cause
mon treshonore seigneur, pour aucunement
restituer ce que je vous doibs en service, &
satisfaire au relief de vostre recreation (que
le grand poix des affaires du royaulme
tient en surseance) jay ause employer quel
ques jours a reduire en francoys ung pe-
tit livret, lequel je nomme selon son premier
tiltre, les Emblemes, ou les Marqueteures
de maistre Andre Alciat, homme qui tient
pleine jurisdiction ez sciences, & qui nest
pas moins luysant par la doctrine legale,
que par les sciences humaines, selon que
  Link to an image of this page  [A3r p5] assez le vous a insinue son renom, & la re-
lation tant de ceulx que son erudition a- [=a ]
dressez, que aultres gens de riche estude,
dont vostre maison & famille est decoree.
Il peult advenir que mon occupation se
treuvera menue a la comparaison de ce que
vous appartient: mais jay ainsi choisy
pour ceste fois, au moyen de ce que plusieurs
gentilz hommes de la court, se delectent non
seullement a faire paindre, ains a faire ef
figier de orfavrerie diversitez de ymages,
quilz nomment devises, y adjoustans quel
ques sentences propres & consonantes. A quoy
me semble ce present livret estre tresconfor-
me, & dont ma hardiesse a cueilly occasion
de le faire comparoir pardevant vous. Tou
tesfois si ce petit besoigne se treuve debile-
ment pourveu dauctorite pour assister
soubz vostre lecture, il pourra parvenir
devant ma Dame vostre treschiere amye
& espouse: laquelle (ainsi que promet mon
espoir) convertira sa bonne grace devers
quelque feuillet de ce livre. Car il est [=n’est] au jour
  Link to an image of this page  [A3v p6] dhuy chose tant desdaignee entre les hom-
mes, que [=qui] nayt sa portion daornement ou de
utilite: ce que nature a providemment voulu,
affin que les choses de petite extime ne
perdissent leur estre, ou fussent effacees de
la souvenance des hommes. Je pense bien
quil sera veu par plusieurs personnaiges
qui obtiennent meilleure place que moy
en toute facon descripre, & qui plus heureu
sement eussent mis la main a mon entre-
prise, comme mieulx appelez, & de plus long
temps, a dresser propos de francoyse eloquen
ce. Parquoy je me declare prest a souffrir
leur lime, & patiemment recepvoir leur cor
rection: soubz laquelle je confesse ja, que je
nay pas tousjours garde lintegrite de cha
scun polistique ou epigramme, en rendant
parolle pour parolle: ains me suys contente,
suyvant la doctrine de Horace, de exhiber
largument diceulx: et ce ainsi prochaine-
ment, que les vers dune langue veullent
souffrir estre transportez a vers daultre lan
gage. Ce que nay peu faire icy precisement,
  Link to an image of this page  [A4r p7] pource que jay travaille de tousjours ob-
server le nombre de huict vers: & il est no-
toire que le distique de la fertile langue la-
tine surpasse trois vers francois du com-
mun gendre: laquelle exuberance ma rap-
porte obligation prohibitive de plus fort
approcher le texte. Qui est cause que soubz
le privilege des licences poetiques, jay use
dobtruncation & habundance, selon le be-
soing Ce que presentement je metz entre
voz munifiques mains, avec loffre de mes
humbles services. Affin que vous puissez
asseoir vostre sain jugement sur les gran-
des differences, estans entre celluy qui humble
ment desire scavoir, & celluy qui scait dont
lon emprunte les matieres de construction.
Et si loeuvre vous est aggreable, ce me sera
ung esperon pour faire plus grand effort
a vous complaire, selon que je doibs, & que
jen ay bonne affection, comme scait nostre
seigneur. Auquel je fais prieres vous don-
ner prospere & longue sante au magnifi-
que estat ou il vous a constitue.

Dum pueros iuglans, iuvenes dum tessera fallit,
Detinet & segnes chartula picta viros,
Haec nos festivis Emblemata cudimus horis,
Artificum illustri signaque facta manu.
Vestibus ut torulos, petasis ut figere parmas,
Et valeat tacitis scribere quisque notis.
At tibi supremus preciosa nomismata Caesar,
Et veterum eximias donet habere manus.
Ipse dabo vati chartacea munera vates,
Quae Chonrade mei pignus amoris habe.

PEndant que enfans au jeu de noix se amusent,
Et les plusgrands souvent aux dez se abusent,
Pendant que aulcuns aux cartes perdent temps,
Jay cy dresse (selon que jentends)
Quelques propos composez par histoires,
En quoy je rends voyes a tous notoires,
Comme ilz pourront par seulz signes bien dire,
Et maintz bons motz, sans letre faire escripre:
Quon peult poser en signeaulx & doreures
De escuz, bonnetz, & en aultres pareures:
Pour maintenant cy tel present rendons,
Laissans aux Roys les groz presens & dons.
Donques Conrad, prends de mamour ce gaige.
Ung poete a tous ses dons en langage.