Ceux qui vivent en concorde ne peu-
vent estre surmontés.

Telle fut la concorde en trois freres germains,
Tel leur amour commun, telle leur charité,
Que jamais Prince aucun ne les a surmonté,
Quoy que les Geryons eussent ennemis maints.[1]

Commentaires.

Par la concorde les petits choses croissent &
s’aggrandissent, & par la discorde les grandes vien-
nent à s’escouler & perir entierement. Pline recite
qu’il y a certaines pierres en l’Isle Cycladique, lesquel-
les estans entieres, nagent & sont portees sur l’eau:
mais estans rompues & mises en pieces, elles vont au
fonds. Scilure le Scythe, estans pres de sa fin, persuada
à ses enfans de vivre en bonne amitié & concorde, par
  Link to an image of this page  [M4r p183] l’exemple qu’il leur bailla d’un trousseau de dards,
lequel pas un deux ne peut rompre, ny faire ployer:
mesmes s’estans joincts ensemble, & employans tou-
tes leurs forces, n’en peurent venir à bout: mais le
trousseau estant deslié & desjoinct, le plus foible de
tous les rompoit facilement un à un. Geryon, comme
dit S. Hierosme, vient du mot gera, qui signifie adve-
naire. Il fut fils de Hiarbe Numidien. Plutarque, &
quelques autres, appliquent ainsi ceste fiction poëti-
que. Geryon fut un personnage de grand sens, de
grand courage, de grande entreprise. Il avoit avec
soy deux grands Capitaines, qui executoyent diligem-
ment & vaillamment tout ce qui leur estoit com-
mandé par Geyron: & pource qu’ils l’executoyent
avec tant de fidelité, qu’il sembloit que ce fust Ge-
ryon luy mesme, la posterité s’est imaginé, que Ge-
ryon avoit six bras & six jambes, avec lesquels luy
seul venoit à bout de tous ses desseings.