In fidem uxoriam.

On faithfulness in a wife

Ecce puella viro quae dextra iungitur, ecce
Ut sedet, ut catulus lusitat ante pedes?
Haec fidei est species, Veneris quam si educat ardor,
Malorum in laeva non malè ramus erit:
Poma etenim Veneris sunt, sic Schenëida[1] vicit
Hippomanes, petiit sic Galatea[2] virum.

See here a girl, her right hand clasping her husband’s. See how she sits, how a puppy plays at her feet. This is a representation of faithfulness, and if Venus’s ardour nurtures it, a branch bearing apples may well be seen in on the left. For apples are Venus’s fruit; by them Hippomenes defeated Schoeneus’s daughter; with them Galatea sought her man.

Puella fida & blanda (rara avis) viro propè
assidet, eique amicabiliter dextra iungitur, ante
cuius etiam pedes canicula lusitat. Dextrae au-
tem porrectionem verae & indissimulatae fidei
speciem esse supra Embl. 27.[3] diximus. Canis
autem quàm fidelissimum domino suo ani-
mal sit inter alios per plurima exempla recen-
set Plinius lib. 8. cap. 80. Foemina autem si fortè
lascivior seu libidine incitata erit, rectè con-
veniet, sinistra quem gerit manu, pomo-
rum ramus. Poma etenim Veneris sunt (quae
amorum procuratrix est.) Ideoque pomis per-
saepè amantes uti solent, ut Galathea apud
Vergilius [=Virgilium] Eglogarum 3. Malo me Galathea petit
lasciva puella. Et fugit ad salices & se cupit
ante videri. Ipsa nanque Venus pomum au-
reum in certamine, Paride iudicante, obti-
nuit. Sic etiam Hippomenes, malis vicit Sche-
neidam, quae Atalanta vocabatur, Schenei
Regis filia, pulcherrima puella, cui Deorum
responsum datum fuit, ut nullo viro nuberet,
ideoque procis eam ambientibus, huiusmodi
legem proposuit, ut secum cursu pedum cer-
tarent, & qui eam currendo superasset, eius
se coniugem futuram, victi verò morte ple-
cterentur, cumque multos superasset & nece
affecisset, tandem Hippomenes adolescens
  Link to an image of this page  [g5r p105]nobilis ex Neptuni progenie, cùm eam im-
penso amore diligeret, nec mortem certaminis
periculo abhorreret, Venerem imploravit ut
sibi auxilio esset, quae statim ei tria aurea po
ma donavit, ea inter currendum ante virginem
per vices proiecit. Illa verò auri cupiditate
allecta dum ea colligeret retardata & sic arte
victa fuit, ut lepidissimè Ovidius lib. 10. Metamorphoseon.