Le Roure, ou Suse.

Le Roure fend par trop dur estre,[1] & rond.
Sedition civile en soy se rompt.

Le Roure ou Suse, que est la plus dure espece de chesne: est en
ses parties essentiales si astrinct, & serré avec durté naturelle,
que de soy mesme il se esclate, & fend: ses parties se entre-
laissantes, & desjoignantes jusque au coeur, d’ond puys
apres par sa durté il donne lieu, & ouverture à mettre le
coing dedans qui le met par pieces, & l’envoie au feu. Ainsi
les gens seditieux en une popularité ne se peuvent entrete
  Link to an image of this page  [R4r p263]nir joingtz ensemble: mais par leur trop dur sens, & ob-
stination, se separent, & donnent lieu à la main justiciere,
d’entrer sur eulx, les dissiper, & mettre au neant.

Le pin.

Ce que nuls rejectons du tronc du pin ne naissent:
Marque ceux qui mourans nuls enfans ne delaissent.

Commentaires.

Celuy n’est pas digne de naistre au monde, qui
n’y en fait point naistre d’autre. Le pin est le symbole
de ceux qui ne se marient point, ou qui sont steriles.
Car le pin ne fait point de rejectons.