De Guerre Paix.

L’armet d’un hardi chevalier
En temps de paix fut de repos,
De mouches à miel un millier

L’ont trouvé pour elles dispos:
Tost y ont faict leurs petits pots,
Mettans miel, où mit sang la guerre:
Soit donc guerre hors de tous propos,
Si force n’est pour paix acquerre.[1]

commentaires.

Le heaume, qui est icy pourtaict [=pourtraict] , servoit en guerre
au furieux gendarme, & souvent a esté arrosé
du sang de l’ennemi: le mesme heaume, en temps de paix
a esté faict le receptacle de la ruche des mouches à
miel, & en lieu de sang, a esté empli de miel & de ci-
re. Ainsi, du lion rugissant & devorant, que Samson
avoit deschiré, sortit de tresdoux miel. Jectons donc au
loing, & abominons les cruelles & pernicieuses guer-
res, & ne prenons jamais les armes, si ce n’est quand
il est force à fin de pouvoir parvenir à une paix.