Contre les frauduleux.

La lezarde, ayant corps tasché de poincts divers,
Qui se loge aux tumbeaux, & aux murs entrouverts,
D’envie & de tout dol represente l’image,
Helàs, par trop congnue aux femmes de nostre aage.
Qui boit le vin où est cest animal noyé,
De lentilles se void le visage ondoyé.
Les femmes volontiers ceste finesse employent,
Pour celles enlaidir qui leurs maris desvoyent.

Commentaires.

Comme Ascalaphe fut converti en lezarde, la fa-
ble s’en trouve en la Metamorphose d’Ovide. C’est un
animal envieux, & duquel les femmes se servent pour
rendre laides & difformes les garses de leurs maris,
leur faisant boire le vin où cest animal aura esté e-
stainct & faict mourir. Car qui boit tel vin, il se trou-
ve bien tost le visage tout chargé de lentilles. Cest ani-
mal se despouille de sa peau, aussi bien que les serpents:
mais il la devore aussi tost, pour l’envie qu’il porte
aux hommes, ausquels ceste peau sert de bon remede
contre le haut mal. Or ce que sa peau est ainsi tachet-
tee & tavelee de macules sans nombre, sans doute
celà denote la fraude & la malice qui est en cest a-
nimal. Marque que nous pouvons aussi appliquer
aux hommes: car (si on croid le vulgaire) qui a le
corps taré, n’a guieres souvent l’esprit net.

Contra los engañadores.

Aquella lagartija que es llamada
Stellio,[1] es d’el engaño conocida
Señal, y de la invidia en si dañada,
De las zelosas nueras bien sabida.