Contre ceux qui forlignent.

Ayant bien commencé quand finis meschamment,
Gastant mal à propos si bon commencement,
Comme la chevre fais, qui du pied a perdu
Et versé tout le laict qu’elle avait bien rendu.[1]

Commentaires.

Ce n’est pas tout de bien commencer, si on ne con-
tinue la mesme piste jusqu’au dernier souspir de sa
vie. Ce qu’Ezechiel nous apprend au 18 chapitre
de sa prophetie, & que nous voyons aussi en infinis
exemples, tant és escrits profanes, que sacrés, & no-
tamment en ce qui est dit de Cresus & de Solon, qui
ne jugeoit point qu’un homme se peust dire heureux,
sinon lors de sa mort. Ceux qui ayans bien commencé
finissent mal, sont beaucoup plus à blasmer, que ceux
  Link to an image of this page  [M1r p177] qui toute leur vie ont mal vescu. Ce qui est dit de la
chevre, ne se void que trop souvent par ceux qui gou-
vernent tels animaux.