Les nobles & genereux.

La boucle d’or joignoit la robbe Athenienne,
Et la gente cigale avec soy accrochoit.
Le Romain une lune en sa pantoufle avoit.[1]
Se disant estre extraict d’Arcadie ancienne.[2]
Et tout cecy n’estoit que pour remarque expresse
Que ces deux gents estoyent d’une antique noblesse

Commentaires.

Un coeur genereux, c’est la vraye noblesse. La no-
blesse des animaux gist en la force & soupplesse de
leur corps: mais celle de l’homme gist en la candeur
de ses moeurs. Et par ainsi les seuls vertueux sont
  Link to an image of this page  [M5v p185] nobles. Au lieu où la cigale naist, là aussi elle vit &
meurt. C’est pourquoy les Atheniens l’entortilloyent
en leurs cheveux, & la joignoyent à leur boucles:
car ils se disoyent estre nais du territoire Attique,
sans que leurs devanciers fussent venus d’aucune au-
tre region: aussi faisoyent-ils plus de cas d’Athenes,
que d’aucune autre place de la terre. Les Romains
souloyent aussi porter des petites lunes en leurs sou-
liers, pour marque de leur noblesse.