Contre les detracteurs.

Les fessecul, & pedants eslourdis
Osent sur moy vomir leur sotte bile:
Quoy faire, helas! si suis si malhabile
Que de respondre, on dira que j’ay pris
Le bout de l’aisle à cigale criarde,[1]
Pour de tant plus la faire estre bramarde.
Que gaigne-on à des mousches chasser?[2]
Ce qu’on ne peut faire, on le doit laisser.

Commentaires.

Alciat à façonné cest embleme pour soy, mais il se
trouve ailleurs tant en son nom, qu’au nom de Budee,
  Link to an image of this page  [N1v p194] Zaze, & autres: & ce contre un qu’ils nomment
Ranciscus Olidus,[3] par detraction de deux lettres, &
changement d’une. Quand lon saisit la cigale par l’ai-
sle, elle crie tant plus fort. Ainsi, qui voudra respond-
re à un detracteur, tant s’en faut qu’il se taise, qu’il
criera d’avantage, & avec plus d’impudence & de
venim. La mousche est un animal importun, & le-
quel on chasse avec toutes les peines du monde. Un
homme de sçavoir ne se fait point d’honneur quand
il debat avec les ignorans.