Le cypres.

Le cypres haut & droit, & egal en tout sens,
Nous dit qu’egaux devons faire tous nos enfans.

Autre.

Funeste est le cypres, les tumbeaux il affeuble
Des grands, ainsi que l’ache est pour le menu peuple.[1]

Autre.

Belle est ta chevelure, & d’ordre tes rameaux
S’ageancent: mais jamais n’as fruicts vieux ny nouveaux.[2]

Commentaires.

L’egalité est louable par tout: mais principalement
en l’administration de la chose publique: car il n’y a
rien qui destourne plus l’obeïssance des subjects en-
  Link to an image of this page  [N2v p196] vers leurs magistrats, & des enfans envers leurs pe-
res, que l’inegalité, soit à la recompense, soit au cha-
stiment. Le cypres dés sa racine s’esleve haut avec
un droit tige, & estend ses bras ou rameaux avec une
egalité unie, en guise d’un pomme de pin. On appelle
cest arbre funeste pource que on s’en sert aux sepul-
chres des grands Seigneurs, à cause qu’elle ne flestrit
point. Les ouvrages aussi, que lon fait de cypres, ne
sont subjects à vermoulissure. Comme le cypres orne
les tumbeaux des grands, ainsi l’ache s’employe au
sepulchre de la populace. Le cypres une fois couppé
jamais ne rejecte: ainsi, apres que la mort nous a ab-
battus, nous ne revenons plus au monde.Le troisie-
me distiche est faict contre ceux, qui, encores qu’ils
ayent le corps fort & robuste, l’esprit beau & gail-
lard, & des biens mondains à revendre, toutesfois ils
n’apportent aucun bien ny soulagement ny à la chose
publique, ny aux particuliers.