Clemence d’un Prince.

Des abeilles le Roy nul aiguillon ne porte,[1]
Et sur tout son essein il est en toute sorte
Le plus grand & plus beau. Ce Roy là nous enseigne.
Que les Rois terriens doyvent orner leur regne
De clemence & douceur, & commettre les loix
Entre les mains de gents qui soyent justes &
droits.

Commentaires.

Tant plus un Prince a de pouvoir, tant plus doit
il estre retenu quand ce vient à chastier. Le Roy
des abeilles est le plus grand & le plus beau de tou-
tes: mais nature ne luy a point baillé d’aiguillon, pour-
ce qu’elle n’a point voulu qu’il fust cruel. Elle luy a
bien baillé auctorité, mais une auctorité desarmee.
L’Empereur Marc Aurele disoit, que rien n’estoit
plus seant à un Prince, que la clemence. Et les Em-
pereurs Theodose, Arcade, & Honore en firent un
edict de telle substance: Si par legereté on a offensé,
il n’en faut pas faire estat: Si le delinquant n’est pas
de sens rassis, il s’en faut condouloir: S’il a esté pro-
voqué à ce faire, il le luy faut pardonner.

Mesdisance.

Sur le tombeau d’Archiloc,[1] Guespes sont,
Qui signe vray de malle houche [=bouche] font.

Archiloc, Poëte Graec Iambic, en ses escriptz armé
de mesdisance, represenre [=represente] tous hommes mesdisans
de parolle, ou d’escript, au reste à bien faire inurti-
les [=inutiles] , telles que sont les Guespes, qui en grand bruyt
murmurantes, picquent tresaigrement, & ne font
miel, ne cire.