Gramen.

Pour Annibal matté, le Senat Rommain donne
Au prudent Fabius de gramen la couronne.[1]
Ses petits l’alouëtte avec le gramen cache,
Les en entoure, & puis les couver elle tasche.
A Saturne & à Mars le gramen est sacré:
Glauque en ayant mangé devint Dieu consacré.[2]
Ceste herbe pour plusieurs vertus est fort insigne,[3]
Et pource de tutele & salut elle est signe.

Commentaires.

La couronne graminee, qu’on appelle aussi obsi-
dionale, estoit donnee à celuy qui avoit delivré ceux
qui estoyent assiegés: & se faisoit avec le gramen qui
estoit creu dans l’enclos des assiegés.Ceste couronne,
la plus noble de toutes, fut baillee au grand Fabius,
pource que par sa patience & bon conseil, il avoit
rompu tout les desseings d’Annibal. Glauque, pe-
scheur, & excellent nageur, ayant pris grande quan-
tité de poissons, qui luy pesoyent beaucoup, les des-
chargea sur le rivage, desquels l’un, qui se mouroit,
ayant gousté d’une herbe qu’il fouloit, revint soudain
en vie & en vigueur, & saillit dans l’eau: ce
qu’ayant apperceu Glauque, en voulut aussi manger
& ceste viande luy apporta immortalité. Saturne
  Link to an image of this page  [Q2v p244] sema cest [=ceste] herbe, & l’appella, le gramen des Dieux:
Il croissoit en quantité au champ de Mars. Le gra-
men est distingué par plusieurs noeuds, & ce qui est
entre deux noeuds, s’appelle doigt: tellement qu’on
appelle ceste herbe digitale: nom qu’on baille aussi à
l’aristolochie.