In adulari nescientem.

Unable to flatter

Scire cupis dominos toties cur Thessalis ora[1]
Mutet, & ut varios quaerat habere duces:
Nescit adulari, cuiquamve obtrudere palpum,[2]
Regia quem morem principis omnis habet.
Sed veluti ingenuus sonipes, dorso excutit omnem,
Qui moderari ipsum nesciat Hippocomon[3]
Nec saevire tamen domino fas. ultio sola est,
Dura ferum ut iubeat ferre lupata magis.[4]

Do you want to know why the land of Thessaly changes its overlords so often, how it comes about that it looks for different leaders? - It does not know how to flatter, or how to stroke anyone the right way, the behaviour every prince’s court displays. Like a noble stallion, it throws from its back every horseman who does not know how to control it. Nor may the master treat the horse savagely: his only course of action is to make the creature wear a harsher bit with jagged teeth.

Thessalia Regio est Graeciae famosa, mon-
tibus & civitatibus clara. Strabo libro 9. gens
inquieto ingenio, &c. L [=T] . Livius Decadis 4. lib.
4. Haec quare frequenter mutet dominos, &
varios habeat Duces, rationem esse dicit, quòd

  Link to an image of this page  [l8v p176] illa blandiri sive adulari nesciat (quod tamen
in omnibus ferè principum aulis increpuit) sed
veluit ferox atque ingenuus equus non fert sed
mox deiicit quencunque hippocomon, id est,
equisonem, illum non rectè gubernantem.
Nec tamen is, equo gravius irasci sive, ut vel-
let, saevire audet, sed sola haec ultio erit ut du-
rius & asperius sibi fraenum iniiciat. De adula-
tionibus autem & blanditiis perniciosis, pluri-
ma Cicero in Dialogo de amicitia, ubi post mul
ta sic ait. Scitum enim est: & hoc Catonis, mul-
tò melius de quibusdam acerbos inimicos me-
reri, quàm eos amicos qui dulces videantur.
Illos nanque verum saepe dicere, hos nunquam.