Oster fault Ignorance.

D. Quel monstre? R. (Sphinx[1].)
D. Pourquoy chef foeminin,
Ailes d’oyseau porte: & pied Leonin?
R. Telle figure ha l’ignorance: Pource
Que de ce mal si grand, telle est la source.
L’esprit legier, ou plaisir attirant,
  Link to an image of this page  [Q2r p243] Ou coeur trop fier, rendent l’homme ignorant.
Mais qui cognoist que peut lettre Delphique[2],
Couppe la gorge au monstre mirificque.
Car à deux piedz, trois, quatre, on voit l’homme estre.
Tresgrand Prudence est de l’homme cognoistre.

Sphinx monstre cauteleux, & cruel en ung destroict
habitant, proposoit à tous passans tel enigme, c’est à
dire question obscure. quel animant est a
quatre piedz, deux, et trois? Et occi-
soit tous les ignorans, qui rien n’en savoient. Tant
que Oedipe le sage divineur survint: qui resolut la
question, disans [=disant] que c’estoit l’homme, lequel en son
enfance rampe à quatre piedz: en sa virilité se soub-
stient droict sur deux piedz: en sa vieillesse s’appuye
sur ung baston, qui faict le troisiesme pied. Or comme
souveraine prudence est cognoistre soy mesme: joux-
te la lettre Delphique escripte au temple d’Apollon.
cognoy toy mesme. Ainsi ne cognoistre que
c’est de l’homme, & se mescognoistre: est souveraine
ignorance, qui destruict plusieurs gens: & provient ou
de legiereté d’esprit: ou de volupté, ou d’arrogance: fi-
gurées par les ailes d’oyseau, face de pucelle, & piedz
de Lyon estants en ce monstre.