Le Chesne.[1]

L’arbre à Jova qui tout garde, & maintient.
Chappeau de Chesne au gardeur appartient.[2]

Coronne Civique de Chesne estoit baillée par honneur
à celuy, qui avoit gardé, & sauvé un citoyen de mort.
Car le Chesne est consacré à Jupiter, ou Jova (qui
est Dieu) lequel tout garde, & entretient.

Le Chesne sert premier de gland,[3] puis d’ombre,
De Jupiter l’arbre ha des biens sans nombre.

Avant les bledz trouvéz, Les anciens vivoyent
de gland de Chesne, & puis se reposoyent des-
soubz en l’ombrage, & pource consacroyent le
Chesne au souverain Dieu Juppiter, qui leur don
noit d’enhaut nourriture, & repos. Ce que signifie
la beneficence de Dieu estre telle, que apres le
fruict d’icelle receu, encore en sert l’ombre, &
memoire, comme faict la loy de Moyse, & les
Prophetes, a l’Evangile.