Le Chesne.

L’arbre à Jova qui tout garde, & maintient.
Chappeau de Chesne au gardeur appartient.[1]

Coronne Civique de Chesne estoit baillée par honneur
à celluy, qui avoit gardé, & sauvé ung citoyen de mort.
Car le Chesne est consacré à Jupiter, ou jova (qui est
Dieu) lequel tout garde, & entretient.

Le Chesne sert premier de gland,[2] puys d’ombre,
De Jupiter l’arbre ha des biens sans nombre.

Avant les bledz trouvéz, Les anciens vivoient
de gland de chesne, & puys se reposoient des-
soubz en l’ombrage, & pource consacroient
le Chesne au souverain Dieu Jupiter, qui leur
donnoit d’enhault nourriture, & repos. Ce
que signifie la beneficence de Dieu estre telle,
que apres le fruict d’icelle receu, encore en sert
l’ombre, & memoire, comme faict la loy de
Moyse, & les Prophetes, à l’Evangile.