Le coin.

Solon[1] veut que le coin à manger on presente
A la nouvelle espouse, à cause que plaisante
  Link to an image of this page  [N4r p199] Telle viande est en bouche, estomach, & haleine,
Ce qui les mariés à vraye amour ameine.

Commentaires.

Les mariés doyvent tellement confire tous leurs
dits & leurs faicts, que jamais il ne puisse advenir
entre eux aucun mauvais mesnage. C’est pourquoy
Solon commandoit à l’espouse, qu’elle mangeast un
coin avant de coucher avec son mari la premiere
nuict: à cause que ce premier plaisir, qui se recueille
de la voix & de la bouche, doit estre doux et bien
assaisonné.

Le Coing.

A la nouvelle espouse donnoit l’on
Jadis des coingz, par la loy de Solon.[1]
Bons sont au coeur: & rendent bonne aleine
Pour bien penser: sans parolle villaine.

Les Coingz confortent le coeur, & inspirent doulce alei-
ne à la bouche. Et d’iceulx les presens jadis faictz aulx nou
velles espouses, les admonnestoient de avoir le coeur net
en bonne, & honneste pensée: & la bouche de bonne odeur,
en pudicques, & honnestes parolles.