Le Meurier.

MAis le Meurier qui de fol a le nom,
(Quoy qu’à grand tort) ne florit point sinon
Que la saison ne soit bien advancee,
Et la froideur aussi du tout passee.

LE Meurier est dit en Grec μῶρος, qui est
à dire, fol: nom fort mal imposé, veu que
c’est un arbre qui peust estre renommé sa-
ge, d’autant qu’il ne montre son fruit, sinon
que premierement les froidures soyent pas-
sees: Ainsi l’homme prevoyant advise à ses af-
faires bien apoinct, & ne s’expose aux dan-
gers temerairement.