Fortune est compagne à vertus.

Le baston du dieu d’eloquence,[1]
Avec ses serpents & plumettes,
Entre les cornes d’abondance,
Monstre quels vous gents de plume estes.

C’est que vos proses & rimettes,
Dignes sont que bien on vous livre,
Ainsi qu’ouvriers, par leurs limettes,
Font le gain dont ils peuvent vivre.

commentaires.

Mercure, fils de Jupiter & de Maia, Dieu des
harangues & d’eloquence, est tenu pour le messager
& trucheman des Dieux. Cestuy-cy receut d’Apol-
lon en don une verge ou gaule, de laquelle il se servoit
pour appaiser les noises & differents. Allant en Ar-
cadie, & tenant en main ceste verge, il vid deux dra-
gons que se combattoyent: il jecta sa verge entre eux
deux, & les separa avec icelle: si qu’ils quitterent in-
continent leur combat, & furent amis. Aussi les Egy-
ptiens figurerent ceste verge environnée de deux
dragons, masle & femelle, & l’appellerent Caducee,
y adjoustans les aisles & chapeau dudit Mercure.
  Link to an image of this page  [B7v p30] Or est dressé ce caducee entre les cornes d’Amaltee, la
fable de laquelle Amaltee est ainsi recitee par les poë-
tes: Quand Rhea eut enfanté Jupiter, à fin que son
pere Saturne, ne s’en apperceust, elle cacha le petit en-
fant en l’Isle de Crete, où il fut nourri par deux Nym-
phes du laict d’une chevre qui s’appelloit Amaltee.
Jupiter estant venu en aage, pour reconnoistre le
bienfaict receu, mit la chevre entre les estoiles, laquel-
le s’appelle encor, La chevre celeste: une des cornes de
laquelle il bailla aux nymphes ses nourricieres, l’ay-
ant douëe de telle faculté, que tout ce qu’elles desire-
royent, & qui leur viendroit en fantasie, viendroit
incontinent à sortir abondamment d’icelle corne. Ceste
peincture donc nous enseigne, que les hommes diserts
& ingenieux, (qui sont designés par le sceptre ou ca-
ducee de Mercure) jouïssent de ceste corne d’abon-
dance: c’est à dire, qu’ils ne peuvent faillir d’avoir
tousjours bonne & prospere fortune, & abondance de
toutes choses.